რსუ-ს სტუდენტებმა და პროფესორ-მასწავლებლემბა ღვაწლმოსილი პედაგოგის ნოდარ ბარამიძის 80 წლის იუბილე აღნიშნეს. ნოდარ ბარამიძე უნივერსიტეტში 1954 წლიდან მოღვაწეობს და დღემდე აქტიურადაა ჩართული სასწავლო-სამეცნიერო საქმიანობაში. ავტორია 100-ზე მეტი სამეცნიერო ნაშრომისა და სტატიისა. განათლებისა და მეცნიერების განვითარებაში შეტანილი წვლილისათვის დაჯილდოებულია აჭარის უმაღლესი საბჭოს საპატიო სიგელით და მინიჭებული აქვს განათლების დამსახურებული მოღვაწის წოდება.
გაიმართა რსუ-ს სოციალურ მეცნიერებათა ფაკულტეტის ასოცირებული პროფესორის ირაკლი მანველიძის მიერ პრეზიდენტის სამეცნიერო გრანტის ფარგლებში განხორციელებული სამეცნიერო პროექტისა და მონოგრაფიის ,,ტრანსნაციონალური კომპანიები ამიერკავკასიის ქვეყნების ეკონომიკასა და პოლიტიკაში: პრობლემები, ტენდენციები, პერსპექტივები” პრეზენტაცია. წიგნში განხილულია ტრანსნაციონალური კომპანიები, რეგიონის პოტენციალი და ადგილი ტრანსანციონალურ ინტეგრაციაში.
რადიაციული ონკოლოგიის დეპარტამენტის პრეზენტაცია რსუ-ში ჯანდაცვის ფაკულტეტისა და თბილისის სამედიცინო უნივერსიტეტის საუნივერსიტეტო კლინიკის ორგანიზებით ჩატარდა. ვენის უნივერსიტეტის პროფესორმა ბრანისლავ იერემიჩმა და რადიაციული ონკოლოგიის დეპარტამენტის ხელმძღვანელმა დარეჯან ლომიძემ შეკრებილთ მსოფლიოში აპრობირებული სხივური თერაპიის უახლესი მეთოდოლოგია გააცნეს და მკურნალობისათვის საჭირო ულტრათანამედროვე აპარატურა წარმოუდგინეს.
რსუ-ს სოციალურ მეცნიერებათა დეპარტამენტისა და საქართველოს პოლიტიკური ინსტიტუტის რიგით მეორე ერთობლივი რესპუბლიკური სამეცნიერო კონფერენცია ,,სამხრეთ კავკასიის ახალი გეოპოლიტიკური კონტურები“ სამხრეთ კავკასიაში მიმდინარე გეოპოლიტიკურ ცვლილებებს მიეძღვნა. მკვლევარებმა აგვისტოს მოვლენების შედეგები განილიხეს და ბოლო ერთი წლის განმავლობაში წარმოებული კვლევის შედეგები წარმოადგინეს
ბათუმის თვითმმართველობამ 2010 წლის ბიუჯეტის პროექტი რსუ-ს პროფესორ-მასწავლებლებთან და სტუდენტებთან ერთად განიხილა. ქალაქის საკრებულოს წევრებმა უნივერსიტეტელებს 2004-2009 წლებში შესრულებული საქმიანობის შედეგები გააცნეს და მთავარი საფინანსო დოკუმენტის დახვეწისა და პრიორიტეტების განსაზღვრის მიზნით დარგის სპეციალისტების მოსაზრებები მოისმინეს.
