განცხადებები

ბათუმის შოთა რუსთაველის სახელმწიფო უნივერსიტეტი აცხადებს მიღებას პროფესიული მომზადების პროგრამებზე: საფინანსო სერვისები (III დონე, მოდულური), ბუღალტრული აღრიცხვა (V დონე, მოდულური), ინფორმაციის ტექნოლოგიის მხარდაჭერა (III დონე, მოდულური), სატყეო საქმე (IV დონე, მოდულური), მებაღეობა (IV დონე, მოდულური) და საბიბლიოთეკო საქმე (IV დონე, მოდულური). პროფესიულ საგანმანათლებლო პროგრამებზე სწავლის მსურველთა რეგისტრაცია დაიწყება 2022 წლის 2 მაისს და დასრულდება 22 აგვისტოს. პროფესიულ საგანმანათლებლო პროგრამებზე სწავლა მთლიანად ფინანსდება სახელმწიფოს მიერ.

ბათუმის შოთა რუსთაველის სახელმწიფო უნივერსიტეტი აცხადებს მიღებას რეზიდენტურის ალტერნატიული დიპლომისშემდგომი განათლების სარეზიდენტო პროგრამებზე: სარეზიდენტო პროგრამა - „თერაპიული სტომატოლოგია“, პროგრამის ხანგრძლივობა (11 თვე), სპეციალიზაციის პროგრამა „ „ბავშვთა და მოზარდთა თერაპიული სტომატოლოგია“ (3 თვე) და სუბსპეციალიზაციის პროგრამაზე „პირის ღრუს ქირურგიული სტომატოლოგია“ (ხანგრძლივობა - 3 თვე).

საჯარო სამართლის იურიდიული პირი -
ბათუმის შოთა რუსთაველის სახელმწიფო უნივერსიტეტის
აკადემიური საბჭოს 2022 წლის 15 აპრილის სხდომის
დღის წესრიგი:
(სხდომის ჩატარების დრო: 15:00 სთ.)

1. ბსუ-ს ფაკულტეტების აკადემიური და მასწავლებელთა პერსონალის აკადემიურ (სამუშაო) დატვირთვებში საგამონაკლისო დაშვების შესახებ
(მომხს.: ფაკულტეტების დეკანები)

პანდემიით გამოწვეული უარყოფითი გავლენების შემცირების უზრუნველსაყოფად, აჭარის ავტონომიური რესპუბლიკის მთავრობის ფინანსური მხარდაჭერით, რეგიონში მოქმედ სახელმწიფო უმაღლეს საგანმანათლებლო დაწესებულებებში სტუდენტებს გაეწევათ შეღავათები სწავლის საფასურის დაფარვის მიზნით. საბაკალავრო და სამაგისტრო საგანმანათლებლო პროგრამების სტუდენტებს, რომელთაც 2022 წლის 1 იანვრის მდგომარეობით ჰქონდათ აქტიური სტუდენტის სტატუსი და სოციალურად დაუცველ პირთა (ოჯახის) მონაცემთა ბაზის შესაბამისად აქვთ 150 000 მდე ქულა, 2020 წლის 1 იანვრიდან 2022 წლის 1 აპრილამდე პერიოდში დარიცხული სწავლის საფასურის დაფინანსების მიღების შესაძლებლობის გამო ბსუ 2022 წლის 1 აპრილამდე წარმოქმნილ დავალიანების გადავადებას გაფორმებული შეთანხმების საფუძველზე სთავაზობს მიმდინარე წლის 30 აგვისტომდე.

ბსუ-ს ნიკო ბერძენიშვილის ინსტიტუტი ღრმა მწუხარებას გამოთქვამს ეკონომიკის მეცნიერებათა კანდიდატის, ინჟინერ-ტექნოლოგის ჟანი მიქაშავიძის გარდაცვალების გამო. ჟანი მიქაშავიძე წლების განმავლობაში ნიკო ბერძენიშვილის ინსტიტუტში მუშაობდა, იყო მეცნიერ-თანამშრომელი, სამეცნიერო საბჭოს წევრი, ინსტიტუტის ეკონომიკური და სოციოლოგიური კვლევის განყოფილების უფროსი. იგი ყოველთვის აქტიურად მონაწილეობდა ინსტიტუტის სამეცნიერო საკითხების შემუშავებასა და განხორციელებაში. მისი სამეცნიერო ინტერსების სფერო მოიცავდა ეკოლოგიურ ტურიზმს, ბუნებრივ-რეკრეაციულ და ისტორიულ-კულტურულ რესურსებს, ტურიზმის განვითარების პრობლემებს საქართველოში. ბატონ ჟანის გამოქვეყნებული ჰქონდა რამდენიმე ათეული სამეცნიერო ნაშრომი და მონოგრაფია.