განცხადებები

გაცნობებთ, რომ 2019 წლის 25 ოქტომბერს ჩატარდა ბსუ-ს სტუდენტური თვითმმართველობის საერთო კრება, სადაც ცნობილი იქნა ბსუ-ს სტუდენტური თვითმართველობის წევრების უფლებამოსილება. საერთო კრების გადაწყვეტილებით წარმოდგენილი იქნა სტუდენტური თვითმართველობის პრეზიდენტის კანდიდატი ბატონი დავით ზოიძე. სტუდენტური თვითმმართველობის საპრეზიდენტო არჩევნები გაიმართება 2019 წლის 28 ოქტომბერს, 41 აუდიტორიაში (I კორპუსი), 14:00 საათიდან 17:00 საათამდე. გთხოვთ, იქონიოთ პირადობის დამადასტურებელი მოწმობა აღნიშნულ არჩევნებზე.

ერაზმუს+-ის გაცვლითი პროგრამის უცხო ენების გამოცდაში მონაწილეობის მსურველთათვის განცხადებების მიღება იწარმოებს 15 ოქტომბრის ჩათვლით 18:00 საათამდე. განცხადებაში სტუდენტებმა უნდა მიუთითონ: ფაკულტეტი, სპეციალობა, საფეხური და სასწავლო წელი/სემესტრი, ტელეფონის ნომერი, ელფოსტა, უცხო ენა და შესაბამისი დონე. პირადობის დამადასტურებელი დოკუმენტის წარმოდგენა აუცილებელია.

ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრში გამოცხადდა მიღება უცხო ენების შემსწავლელ ფასიან კურსებზე. რეგისტრაცია იწარმოებს 2019 წლის 11 ოქტომბრამდე. უცხო ენის შესწავლის მსურველებმა უნდა გადმოგზავნონ პირადი ინფორმაცია (სახელი, გვარი, პირადი ნომერი, ტელეფონი, აკადემიური/ ადმინისტრაციული თანამდებობა) ელექტრონულად.