ბათუმის შოთა რუსთაველის სახელმწიფო უნივერსიტეტის ტექნოლოგიურ ფაკულტეტზე გაიმართა გერმანიის საერთაშორისო თანამშრომლობის საზოგადოების - (GIZ)  მიერ დაფინანსებული საგრანტო პროექტის -  „მდგრადი ურბანული განვითარება სქართველოში“ პრეზენტაცია, რომელიც შეეხებოდა ძველი ბათუმის სამეზობლო და საფეხმავლო კონცეფციების სამუშაო ვერსიებს. პრეზენტაცია წარადგინეს გერმანიის საგრანტო პროექტის - (GIZ) - ის გამარჯვებულებმა: კახა მაღრაძემ, სოფო თოდუამ და ანა მემანიშვილმა.

შეხვედრას ესწრებოდნენ ტექნოლოგიურ ფაკულტეტის სტუდენტები და  პროფესორ-მასწავლებლები.

შეხვედრაზე ჩატარდა შემდეგი აქტივობები:

1. საპროექტო ჯგუფის მიერ შემუშავებული დოკუმენტაციის წარდგენა;
2. ძველი ბათუმის უბნის სამეზობლო კონცეფციისა და გადაწყვეტათა პორტფელის ერთობლივ რუკაზე დატანა;
3. საპროექტო იდეებისა და სხვა მნიშვნელოვანი რეკომენდაციების შეჯამება.

შეხვედრისას სტუდენტებს პროექტის წარმომადგენლებმა გააცნეს ძველი ბათუმის სამეზობლო და საფეხმავლო კონცეფციების სამუშაო ვერსიები, ასევე ჩაატარეს სხვადასხვა ტიპის ჯგუფური და ინდივიდუალური  სამუშაოები.