ტურიზმის ფაკულტეტის სტუდენტები „Erasmus+“-ის საერთაშორისო გაცვლითი პროგრამის ფარგლებში, პოლონეთში, თურქეთსა და საფრანგეთში სასწავლებლად გაემგზავრნენ. 2024-2025 სასწავლო წლის შემოდგომის სემესტრს ტურიზმის საბაკალავრო საგანმანათლებლო პროგრამის სტუდენტი ლიზი სურმანიძე პოლონეთში, ბიდგოშჩის ეკონომიკის უნივერსიტეტში გაივლის, ლიზი ნიკოდიმოვა - თურქეთში, 19 მაისის უნივერსიტეტში, ხოლო ტურიზმის მენეჯმენტის სამაგისტრო პროგრამის სტუდენტები - თამარ ხოზრევანიძე და ანა პაპუნიძე ერთი სემეტრის განმავლობაში საფრანგეთის ანჟეს უნივერსიტეტში ისწავლიან.

   ევროკომისიის მიერ დაფინანსებული „ერაზმუს+“-ის გაცვლითი პროგრამის მონაწილეები ინგლისური ენის ცოდნის, გასაუბრებისა და აკადემიური მოსწრების გათვალისწინებით გამოვლინდა.