24 და 26 აპრილს ტურიზმის ფაკულტეტის პირველი სასწავლო წლის სტუდენტებმა სასწავლო პრაქტიკის ფარგლებში გონიო-აფსაროსის ციხე მოინახულეს. ვიზიტისას სტუდენტები დეტალურად გაეცნენ ციხის ტერიტორიაზე აღმოჩენილ რომაულ არტეფაქტებსა და შენობა-ნაგებობათა ნაშთებს, მათ შორის: ყაზარმებს, აბანოებს, სამეურნეო დანიშნულების ნაგებობებსა და სხვა ობიექტებს.

სასწავლო პრაქტიკის მიზანს წარმოადგენდა აუდიტორიაში მიღებული თეორიული ცოდნის პრაქტიკაში, რეალურ გარემოში გამოყენება. პრაქტიკა განხორციელდა მხარეთმცოდნეობის სასწავლო კურსის ფარგლებში, რომელსაც ხელმძღვანელობდა ასისტენტ-პროფესორი კახაბერ ქამადაძე.