ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტთა მეორე ნაკადი სასწავლო პრაქტიკით სასტუმრო „Kongresshotel Potsdam“-ში, გერმანიაში გაემგზავრა. ტურიზმის ფაკულტეტის დეკანმა ირაკლი კორძაიამ ახალგაზრდებს საერთაშორისო პროექტში გამარჯვება მიულოცა და წარმატებები უსურვა.

სტუდენტები პრაქტიკის განმავლობაში დეტალურად გაეცნობიან სასტუმროს ძირითადი სტრუქტურული ერთეულების მუშაობას. მოახდენენ თეორიული ცოდნის იმპლემენტაციას რეალურ გარემოში, უშუალოდ ჩაერთვებიან სასტუმროს ყოველდღიურ საქმიანობაში, განავითარებენ პრაქტიკულ უნარებსა და აიმაღლებენ პროფესიულ კომპეტენციებს.