2025 წლის 12-16 მაისს,  „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში შჩეცინის უნივერსიტეტის პროფესორი ანა ვიეჩორეკ-შიმაინსკა იმყოფებოდა. პროფესორმა ანა ვიეჩორეკ-შიმაინსკამ ბსუ-ს ეკონომიკისა და ბიზნესის  ფაკულტეტის სტუდენტებისთვის საჯარო ლექციების ციკლი წაიკითხა „კულტურათშორისი მენეჯმენტი - ადამიანური რესურსების პერსპექტივის“ შესახებ.

ვიზიტის ფარგლებში  ანა ვიეჩორეკ-შიმაინსკა  ბსუ-ს ეკონომიკისა და ბიზნესის ფაკულტეტისა და სტრატეგიული განვითარებისა და საერთაშორისო ურთიერთობების დეპარტამენტის თანამშრომლებს შეხვდა.