2025 წლის 5-9 მაისს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ბიალისტოკის უნივერსიტეტის ადამიანური რესურსების დეპარტამენტის თანამშრომლები მართა ტარაშიუკ და კამილა ლის გაბერ და სტუდენტური საერთო საცხოვრებლის ადმინისტრატორი მართა ზვორნიცკა იმყოფებოდნენ.
ბიალისტოკის უნივერსიტეტის ადმინისტრაციული პერსონალი ბსუ-ს სტრატეგიული განვითარებისა და საერთაშორისო ურთიერთობების დეპარტამენტის თანამშრომლებს შეხვდა. ვიზიტის ფარგლებში ბიალისტოკის უნივერსიტეტის წარმომადგენლებმა მონაწილეობა მიიღეს ბსუ-ში ევროპის დღის აღსანიშნავად გამართულ ღონისძიებაში. შეხვედრის დასასრულს მონაწილეებს გადაეცათ სერტიფიკატები.
