2025 წლის 12-16 მაისს ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის დეკანის მოადგილე, სამართლისა და საჯარო მმართველობის დეპარტამენტის მოწვეული მასწავლებელი სალომე კარალიძე ერასმუს +-ის გაცვლითი პროგრამის ფარგლებში ბულგარეთის "ნეოფიტ რილსკის" სამხრეთ - დასავლეთ უნივერსიტეტში იმყოფებოდა. სალომე კარალიძემ ჩაატარა 8 საათიანი სალექციო კურსი ქართული სამართლის სისტემის განვითარებაში ევროინტეგრაციის გავლენის შესახებ.
ვიზიტის ფარგლებში იგი მოხსენებით წარსდგა რობერტ შუმანის დეკლარაციის 75 წლის იუბილესადმი მიძღვნილ საერთაშორისო კონფერენციაზე - "ახალი იდეა ევროპისათვის - ისტორიული შეფასება და მომავლის პერსპექტივები".
