ბსუ-ში ერასმუს+ VI საერთაშორისო კვირეულის ფარგლებში, 12 ივნისს, უცხოელი პარტნიორებისა და ბსუ-ს აკადემიური და ადმინისტრაციული პერსონალისთვის ჩატარდა ტრენინგი ერთობლივი ინგლისურენოვანი საგანმანათლებლო პროგრამების შემუშავების, მოქმედი საკანონმდებლო ბაზისა  და სხვა აქტუალური საკითხების შესახებ, - Internationalization of HE: Joint Educational Programs (Double/Multiple Degree).

ტრენინგი ჩაატარა განათლების საერთაშორისო ექსპერტმა, თსუ-ს ასოც. პროფ. ირინე დარჩიამ. შეხვედრამ დამსწრეთა დიდი ინტერესი გამოიწვია, დაისვა საინტერესო შეკითხვები, გაიმართა დისკუსია.

აღსანიშნავია, რომ ბსუ-ს სტრატეგიული განვითარების გეგმისა და ინტერნაციონალიზაციის პოლიტიკიდან გამომდინარე, ფაკულტეტები ინტენსიურად მუშაობენ ინგლისურენოვან და ორმაგი დიპლომების საგანმანათლებლო პროგრამებზე.

ტრენინგი ჩატარდა სტრატეგიული განვითარებისა და საერთაშორისო ურთიერთობათა დეპარტამენტისა და უნივერსიტეტის ხარისხის უზრუნველყოფის სამსახურის ორგანიზებით.