ყაზახეთის დამოუკიდებლობის დღე ყაზგუს უნივერსიტეტის სტუდენტებმა ბათუმის შოთა რუსთველის სახელმწიფო უნივერსიტეტში აღნიშნეს. ახალგაზრდებმა ბსუ-ს სტუდენტებსა და პროფესორ-მასწავლებლებს მშობლიური ქვეყნის კულტურა, ისტორია, თანამედროვეობა წარუდგინეს და  ნაციონალური კერძები დააგემოვნებინეს.  ყაზახი სტუდენტები უნივერსიტეტში ყაზგუს უნივერსიტეტსა და ბსუ-ს შორის გაფორმებული მემორანდუმის ფარგლებში ერთსემესტრიან სასწავლო კურსს გადიან. ყაზახეთის უნივერსიტეტთან თანამშრომლობას  ხელი 2015 წელს მოეწერა.