3-5 მაისს, ტექნოპარკში, შემეცნებითი, შემოქმედებითი კონკურსი კრეათონი „ფიროსმანი ციფრულ სივრცეში“ გაიმართება. საკონკურსო დავალებები გულისხმობს ნიკო ფიროსმანის შემოქმედების თემაზე გრაფიკული დიზაინისა და ციფრული ტექნოლოგიების გამოყენებით სხვადასხვა სახის ნამუშევრების შექმნას.

აჭარის ჩემპიონატზე მკლავჭიდში ბსუ-ს მკლავჭიდელთა ნაკრებმა სხვადასხვა წონითი კატეგორიის საპრიზო ადგილები მოიპოვეს. ჩემპიონატი 16-17 თებერვალს, აჭარის ა.რ სპორტისა და ახალგაზრდობის საქმეთა დეპარტამენტის ფინანსური მხარდაჭერითა და აჭარის მკლავჭიდის ფედერაციის ორგანიზებით გაიმართა.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და საქართველოს რაგბის მხარდამჭერთა კლუბის თავმჯდომარემ ილია როდონაიამ თანამშრომლობის მემორანდუმს მოაწერეს ხელი. ხელშეკრულება მიზნად ისახავს ახალგაზრდებში რაგბის პოპულარიზაციას, ერთობლივი სპორტული ღონისძიებების, ტრენინგების, სემინარების ჩატარებასა და პროექტების განხორციელებას. მემორანდუმის გაფორმების შემდეგ სხვადასხვა ფაკულტეტის სტუდენტებთან გამართულ შეხვედრაზე ილია როდონაიამ სამომავლო თანამშრომლობის მიმართულებებზე ისაუბრა.

აგვისტოს ომში დაღუპული გმირის, ვახტანგ გორგასლის I ხარისხის ორდენოსანის, V ქვეითი ბრიგადის კაპრალ ამირან მამალაძის სახელობის საუნივერსიტეტო ტურნირი ჩატარდა ბათუმის შოთა რუსთაველის სახელმწიფო უნივერსიტეტში. პირველობამ სტარტი 22 ოქტომბერს აიღო და მასში 24 გუნდი მონაწილეობდა. ფინალური შეხვედრაში ერთმანეთს დაუპირისპირდნენ გუნდები „ვირტუოზები“ და „ბსუ-ს ვარსკვლავები“.

ბათუმის შოთა რუსთაველის სახელმწიფო უნივერსიტეტი „სტუდენტური დღეები - 2018“-ის გრან-პრის მფლობელია. შეჯიბრში აჭარის უმაღლესი საგანმანათლებლო დაწესებულებები მონაწილეობდნენ. გუნდებმა მაყურებელს მუსიკალური ნომერი, ორიგინალური ნომერი, ვიდეორგოლი „წარმოაჩინე შენი უნივერსიტეტი“ დასილამაზის კონკურსი „მის უნივერსიტეტი“ წარუდგინეს. სტუდენტური დღეების ფარგლებში, უნივერსიტეტებს შორის პირველობა გაიმართა სპორტის ხუთ სახეობაში, რომელთაგან ოთხი ბსუ-ს გამარჯვებით დასრულდა. ახალგაზრდებმა წარმატებას ქუჩის კალათბურთში, მაგიდის ჩოგბურთში, ფრენბურთში, ფუტსალსა და ინტელექტუალურ თამაშში „რა? სად? როდის?“ მიაღწიეს, წარადგინეს საუკეთესო ვიდეორგოლი, ხოლო „მის სტუდენტი“ ელიზავეტა კრასენკო გახდა.