25-26 ნოემბერს, ბსუ-ს ხარისხის უზრუნველყოფის სამსახურისა და ინოვაციური განათლების ცენტრის ორგანიზებით, უნივერსიტეტის აკადემიურ პერსონალს დისტანციურად, ZOOM-ის პლატფორმის გამოყენებით ჩაუტარდა სასერტიფიკატო ტრენინგი თემაზე: „სწავლების აქტიური მეთოდების გამოყენება ონლაინ სწავლების დროს". ტრენინგი ჩაატარეს ცენტრის წარმომადგნელებ თამარ რემიშვილმა, მარიამ დარბაიძემ და მაკო ჯაოშვილმა.ინოვაციური განათლების ცენტრის მიზანია, ხელი შეუწყოს საგანმანათლებლო დაწესებულებების ინსტიტუციურ განვითარებასა და ავტორიზაცია/აკრედიტაციის სტანდარტებთან შესაბამისად სწავლების მეთოდების დახვეწას.

ზუსტ მეცნიერებათა და განათლების ფაკულტეტის ახალი სამაგისტრო საგანმანათლებლო პროგრამის „პროფესიული განათლება და ადამიანური რესურსების განვითარება“ წარდგენა გაიმართა ბათუმის შოთა რუსთაველის სახელმწიფო უნივერსიტეტში. პროგრამის ხელმძღვანელმა, პროფესიული პროგრამების მართვის და უწყვეტი განათლების ცენტრის დირექტორმა მადონა მიქელაძემ პრეზენტაციაზე პროგრამის მიზნები, ამოცანები და განხორციელების პირობები წარმოადგინა.

წარმატებით გაიარა პროგრამული აკრედიტაცია ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ფიზიკის სადოქტორო საგანმანათლებლო პროგრამამ. ვულოცავთ ფაკულტეტის სტუდენტებსა და პროფესორ-მასწავლებლებს ამ მნიშვნელოვან გამარჯვებას.

წარმატებით გაიარა პროგრამული აკრედიტაცია ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის მათემატიკის სამაგისტრო საგანმანათლებლო პროგრამამ. ვულოცავთ ფაკულტეტის სტუდენტებსა და პროფესორ-მასწავლებლებს ამ მნიშვნელოვან გამარჯვებას.

ბსუ-ში საგანმანათლებლო პროგრამის შემუშავების საპილოტე მოდულის საკითხზე ბათუმის შოთა რუსთაველის სახელმწიფო უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის ხარისხის უზრუნველყოფის სამსახურების სამუშაო შეხვედრა გაიმართა. უმაღლესი საგანმანათლებლო დაწესებულებების წარმომადგენლებმა ორი დღის განმავლობაში საპილოტე მოდულის შემუშავების სიახლეებთან ერთად, ბსუ-ში მოქმედი აკადემიური პერსონალის შეფასების წესი, სტუდენტთა აკადემიური მოსწრების სტატისტიკა, სტუდენტთა გამოკითხვები და მასზე უკუკავშირის მექანიზმების ელექტრონული სერვისი განიხილეს.