2025 წლის ივლისში, ბათუმის შოთა რუსთაველის სახელმწიფო უნივერსიტეტში Erasmus+ პროექტის „Development of Soft Skills at Higher Education Institutions of Armenia and Georgia in Compliance with the 21st Century Labour Market Requirements (DeSIRe)“ ფარგლებში ჩატარდა რვა ტრენინგი, რომელშიც მონაწილეობა მიიღო ბსუ-ს როგორც აკადემიურმა და ადმინისტრაციულმა პერსონალმა, ასევე სხვადასხვა ფაკულტეტის სტუდენტებმა.
ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ეკოლოგიის საბაკალავრო საგანმანათლებლო პროგრამამ სრული (7- წლიანი) აკრედიტაცია წარმატებით გაიარა. ვულოცავთ სტუდენტებსა და პროფესორ-მასწავლებლებს ამ მნიშვნელოვან გამარჯვებას და წარმატებებს ვუსურვებთ!
23-27 ივნისს, ბათუმის შოთა რუსთაველის სახელმწიფო უნივერსიტეტში ჯორჯ ვაშინგტონის უნივერსიტეტის რექტორის მოადგილემ კვლევის მიმართულებით, სილვია ეზეკილოვამ ბსუ-ს აკადემიური და ადმინისტრაციული პერსონალისთვის სემინარები ჩაატარა.
3-6 ივნისს, Erasmus+ პროგრამის მიმდინარე საგრანტო პროექტის –„სოციალური უნარების განვითარება სომხეთისა და საქართველოს უმაღლეს საგანმანათლებლო დაწესებულებებში 21-ე საუკუნის შრომის ბაზრის მოთხოვნების შესაბამისად (DeSIRe)” – ფარგლებში, განხორციელდა ასოცირებული პროფესორების: ივდით დიასამიძისა და თეა ქოიავას სასწავლო ვიზიტი ფინეთში, ლაპენრანტას ტექნოლოგიურ უნივერსიტეტში (LUT).
ბსუ-ში ერასმუს+ VI საერთაშორისო კვირეულის ფარგლებში, 12 ივნისს, უცხოელი პარტნიორებისა და ბსუ-ს აკადემიური და ადმინისტრაციული პერსონალისთვის ჩატარდა ტრენინგი ერთობლივი ინგლისურენოვანი საგანმანათლებლო პროგრამების შემუშავების, მოქმედი საკანონმდებლო ბაზისა და სხვა აქტუალური საკითხების შესახებ, - Internationalization of HE: Joint Educational Programs (Double/Multiple Degree).
