სრული, 7 - წლიანი აკრედიტაცია მოიპოვა ბათუმის შოთა რუსთაველის სახელმწიფო უნივერსიტეტის „ნავთობისა და გაზის მოპოვების, ტრანსპორტირებისა და შენახვის ტექნიკა და ტექნოლოგია“ სამაგისტრო საგანმანათლებლო პროგრამამ. ვულოცავთ სტუდენტებსა და პროფესორ-მასწავლებლებს ამ მნიშვნელოვან გამარჯვებას.
პროგრამული აკრედიტაცია წარმატებით გაიარა ბათუმის შოთა რუსთაველის სახელმწიფო უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის ერთობლივმა სამაგისტრო საგანმანათლებლო პროგრამამ „ციფრული მედია და ინოვაციები”. პროგრამამ აკრედიტაციის სტანდარტები დააკმაყოფილა და უმაღლესი საგანმანათლებლო პროგრამების აკრედიტაციის საბჭოს გადაწყვეტილებით სრული 4-წლიანი აკრედიტაცია მოიპოვა.
14-18 მარტს ბსუ-ს ხარისხის უზრუნველყოფის სამსახურის ხელმძღვანელმა, პროფესორმა ვლადიმერ ღლონტმა, ზუსტ მეცნიერებათა და განათლების ფაკულტეტის დეკანმა, პროფესორმა ლელა თურმანიძემ და ასოცირებულმა პროფესორმა ნანა მაზმიშვილმა მონაწილეობა მიიღეს ბერლინის ტექნიკურ და გამოყენებით მეცნიერებათა უნივერსიტეტში გარემოს დაცვისა და მდგრადი განვითარების თემატიკაზე გამართულ ტრენინგში. მოკლევადიანი ინტენსიური ტრენინგ კურსი „Erasmus+“-ის Capacity Building პროგრამის პროექტის - „საგანმანათლებლო, სამეცნიერო, მართვისა და ინდუსტრიული კომპონენტების ერთობლიობა კლიმატის მართვისა და კლიმატის ცვლილების პრევენციისთვის - CLIMAN“ ფარგლებში ჩატარდა.
25-26 თებერვალს, ბათუმის შოთა რუსთაველის სახელმწიფო უნივერსიტეტში ტრენინგი ჩატარდა თემაზე: „შეფასების მეთოდი - ობიექტურად სტრუქტურირებული კლინიკური გამოცდა - OSCE“. ღონისძიება მიზნად ისახავდა სტომატოლოგიის პროგრამაში თანამედროვე მეთოდების დანერგვასა და გამოყენების ხელშეწყობას. ტრენინგს უძღვებოდნენ დარგის ექსპერტები, ქუთაისის აკაკი წერეთლის სახელმწიფო უნივერსიტეტის სამედიცნო ფაკულტეტის წარმომადგენლები. ტრენინგს ესწრებოდნენ სტომატოლოგიის ერთსაფეხურიანი საგანმანათლებლო პროგრამის ხელმძღვანელი და პროგრამაში ჩართული, როგორც აკადემიური ასევე, მოწვეული პირები.
ბსუ-ს ხარისხის უზრუნველყოფის სამსახურისა და ინოვაციური განათლების ცენტრის ორგანიზებით, უნივერსიტეტის აკადემიურ პერსონალს დისტანციურად, ZOOM-ის პლატფორმის გამოყენებით, ჩაუტარდა ტრენინგი თემაზე: „უმაღლესი საგანმანათლებლო პროგრამების მორგება აკრედიტაციის განახლებულ სტანდარტთან”. ოთხდღიანი ტრენინგი ჩაატარეს ცენტრის წარმომადგნელებმა მარიამ დარბაიძემ, თამარ რემიშვილმა, მაკო ჯაოშვილმა. ღონისძიების მონაწილეები გაეცნენ ინფორმაციას, თუ როგორ უნდა მოხდეს აკადემიური პროგრამის დანიშნულების და საჭიროების დადგენა, პროგრამის მიზნის და სწავლის შედეგების განსაზღვრა, შეფასების დაგეგმვა-ჩატარება, შეგროვებული მონაცემების ანალიზი /დამუშავება, გადაწყვეტილების მიღებისას შედეგების გამოყენება. ტრენინგის დასრულების შემდეგ, მონაწილეებს გადაეცათ ელექტრონული სერტიფიკატები.
