უმაღლესი საგანმანათლებლო დაწესებულებების ავტორიზაციის განახლებული სტანდარტებით პილოტირების პროცესში ბათუმის შოთა რუსთაველის სახელმწიფო უნივერსიტეტი ჩაერთო. ბსუ 7-9 ნოემბერს საერთშორისო ექსპერტთა ჯგუფმა ახალი, ევროპულ სტანდარტებთან თავსებადი ავტორიზაციის სტანდარტებისა და პროცედურების მიხედვით შეაფასა. ავტორიზაციის პროცესში საერთაშორისო ექსპერტებთან ერთად, ქართველი ექსპერტები, სტუდენტები და დამსაქმებლები მონაწილეობდნენ. ექსპერტთა ჯგუფს EUA-ს ექსპერტი, პრომორსკის უნივერსიტეტის პროფესორი ლუსია ჩოკი (სლოვენია) ხელმძღვანელობდა. პილოტირება პროექტ STUDY IN GEORGIA-ს ფინანსური მხარდაჭერით ხორციელდება.

ავტორიზაცია გაიარა ბათუმის შოთა რუსთაველის სახელმწიფო უნივერსიტეტის შვიდმა ახალმა პროფესიულმა საგანმანათლებლო პროგრამამ: მეფუტკრე (III საფეხური), ვებ პროგრამისტი (V საფეხური), ვებინტერფეისის დეველოპერი (III საფეხური), ვებინტერფეისის დიზაინერი (III საფეხური), ელექტრონული და ციფრული მოწყობილობების დიაგნოსტიკოს-შემკეთებელი (III საფეხური), ბუღალტერ ტექნიკოსი (III საფეხური), ბაგა-ბაღის აღმზრდელი პედაგოგი (V საფეხური).

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და განათლების ხარისხის განვითარების ეროვნული ცენტრის დირექტორმა თამარ სანიკიძემ თანამშრომლობის მემორანდუმს მოაწერეს ხელი. ხელშეკრულების მიზანია განახლებული ავტორიზაციის მექანიზმის პილოტირების ხელშეწყობა და მასში აქტიური ჩართვა. უმაღლესი საგანმანათლებლო დაწესებულებების ავტორიზაციის პილოტირების პროცესი არის ავტორიზაციის პროცესის სიმულაცია ავტორიზაციის განახლებული სტანდარტებისა და პროცედურების მიხედვით, რომელიც საერთაშორისო ექსპერტების მონაწილეობით განხორციელდება.

წარმატებით გაიარა ავტორიზაცია ბათუმის შოთა რუსთაველის სახელმწიფო უნივერსიტეტის ოთხმა ახალმა პროფესიულმა საგანმანათლებლო პროგრამამ: პრაქტიკოსი ექთანი (V საფეხური), ფარმაცევტის თანაშემწე (IV საფეხური), ბიბლიოთეკარი (IV საფეხური), ბანკის მოლარე-ოპერატორი (III საფეხური).

საქართველოს განათლებისა და მეცნიერების მინისტრის 2017 წლის 5 მაისის №77/ნ ბრძანებით ცვლილება შევიდა საგანმანათლებლო დაწესებულებების ავტორიზაციის დებულებაში და შესაბამისად, დამტკიცდა აკრედიტაციის ახალი სტანდარტები