2025 წლის 27 მაისს ბათუმის შოთა რუსთაველის სახელმწიფო უნივერსიტეტის ხარისხის უზრუნველყოფის სამსახურის ხელმძღვანელმა, პროფესორმა ვლადიმერ ღლონტმა სამუშაო შეხვედრა გამართა უნივერსიტეტის საგანმანათლებლო პროგრამებისა და დარგობრივი დეპარტამენტების ხელმძღვანელებთან. შეხვედრაზე წარმოდგენილი იქნა აკადემიური/კოლეგიალური დასწრების განახლებული ხედვა.
2025 წლის 15-21 მაისს, ბათუმის შოთა რუსთაველის სახელმწიფო უნივერსიტეტში ჩატარდა ტრენინგების სესია Erasmus+ პროგრამის საგრანტო პროექტის „Development of Soft Skills at Higher Education Institutions of Armenia and Georgia in Compliance with the 21st Century Labour Market Requirements (DeSIRe)“ ფარგლებში.
ხელოვნური ინტელექტის კომუნიკაციის მკვლევარმა, პროფესორმა, ცირა ბარბაქაძემ ბსუ-ს პროფესორ-მასწავლებლებისთვის მასტერკლასი ჩაატარა თემაზე: „ხელოვნური ინტელექტი ყველასთვის/გენერაციული ჩატბოტები“. მასტერკლასი მიეძღვნა თანამედროვე ციფრული სამყაროს ერთ-ერთ ყველაზე რევოლუციურ ტექნოლოგიას - გენერაციულ ხელოვნურ ინტელექტს (AI) და მისი გამოყენების პრაქტიკულ გზებს განათლებაში, პროფესიულ განვითარებასა და პერსონალურ ზრდაში. მონაწილეები გაეცნენ ტექნოლოგიურ შესაძლებლობებს და იმასაც, თუ როგორ შექმნან ახალი ტიპის აზროვნების დიზაინი ჩატბოტებთან ეფექტური დიალოგის მეშვეობით.
2025 წლის 24-28 მარტს, "ერაზმუს+"-ის საგრანტო პროექტის - "სოციალური უნარების განვითარება სომხეთისა და საქართველოს უმაღლეს საგანმანათლებლო დაწესებულებებში 21-ე საუკუნის შრომის ბაზრის მოთხოვნების შესაბამისად" - ფარგლებში განხორციელდა აკადემიური პერსონალის - პროფესორი ვლადიმერ ღლონტი, ასოცირებული პროფესორი ივდით დიასამიძე და ასისტენტ-პროფესორი თამარ ღოღობერიძე სასწავლო ვიზიტი დრეზდენის ტექნოლოგიურ უნივერსიტეტში (TUD).
2025 წლის თებერვალ-მარტში ბსუ-ს აკადემიური, მოწვეული და სამეცნიერო პერსონალისა და სტუდენტებისთვის ჩატარდა ტრენინგი თემაზე „კვლევის ეთიკა“. ცალ-ცალკე სამიზნე ჯგუფთან ჩატარებულ ტრენინგებში მონაწილეობდა ბსუ-ს 43 აკადემიური და მოწვეული პერსონალი, 29 სამეცნიერო პერსონალი და 15 სტუდენტი. 4-საათიანი ტრენინგი ონლაინ ფორმატით, Zoom-ის პლატფორმის გამოყენებით ჩატარდა 2025 წლის 14 თებერვალს სამეცნიერო პერსონალისთვის, 17 თებერვალს - აკადემიური და მოწვეული პერსონალისა და 31 მარტს - სტუდენტებისთვის. ტრენინგი მომზადდა ევროკომისიის მიერ დაფინანსებული პროექტის „კვლევის პასუხისმგებლიანად წარმართვა – კვლევის კეთილსინდისიერება და ეთიკა ქართულ უნივერსიტეტებში“ (Responsible Conduct of Research – Research Integrity and Ethics in Georgian Universities - ETHICS) ფარგლებში და მის მომზადება-ჩატარებაში პროექტში ბსუ-დან ჩართული პერსონალი მონაწილეობდა.
