ბათუმის შოთა რუსთაველის სახელმწიფო უნივერსიტეტსა და შინაგან საქმეთა სამინისტროს აკადემიას შორის თანამშრომლობის მემორანდუმი გაფორმდა. მხარეთა შეთანხმებით, დაიგეგმა ერთობლივი სამუშაო შეხვედრებისა და სემინარების ჩატარება, საგანმანათლებლო პროექტების განხორციელება, გამოცდილების გაზიარება და ინსტიტუციური შესაძლებლობების განვითარების ხელშეწყობა. შეხვედრაზე ბსუ-ს რექტორი მერაბ ხალვაში და შსს აკადემიის რექტორი გივი მიქანაძე სტუდენტთა სტაჟირების, თანამშრომელთა პროფესიული მომზადებისა და კვალიფიკაციის ამაღლების პროგრამის ამოქმედებაზე შეთანხმდნენ.

იურიდიულ ფაკულტეტის სტუდენტები საუნივერსიტეტო სამეცნიერო კონფერენციაში მონაწილეობენ. სისხლის სამართლის მიმართულებით რვა მოხსენება იყო წარმოდგენილი. მომხსენებლებმა წაიკითხეს მოხსნებები თემებზე: „დანაშაულზე ნებაყოფლობით ხელის აღება“, „დანაშაულის მცდელობის შემადგენლობის სუბიექტური მხარე“, „მოძალადისა და მსხვერპლის სამართლებრივი და სამედიცინო-ფსიქოლოგიური მდგომარეობა ოჯახური ძალადობის მაგალითზე“ „სისხლის სამართლებრივი დანაშაულის ასაკი“, „თეორიები სასჯელის მიზნებზე“,ინიძე, „ვიქტიმოლოგია“, „ევთანაზია და საკანონმდებლო პრობლემები“, და „ისლამისა და ტერორიზმის კანონები“.

11 – 13 მაისს, ბელორუსიის ქალაქ ბარანოვიჩის სახელმწიფო უნივერსიტეტში III საერთაშორისო სამეცნიერო - პრაქტიკული კონფერენცია გაიმართა თემაზე : „ბელორუსიის რესპუბლიკის სისხლის სამართლის პოლიტიკა: მდგომარეობა და დახვეწის გზები“. კონფერენციაში მონაწილეობას მისაღებად მიწვეული იყო ბსუ-ს სამართლის დეპარტამენტის ხელმძღვანელი, ასოცირებული პროფესორი ომარ ფარტენაძე. მან მოხსენება წარმოადგინა საქართველოს სასჯელაღსრულებითი პოლიტიკისა და პრაქტიკის შესახებ.

საქართველოს ახალგაზრდა იურისტთა ასოციაციისა და მიგრაციის საერთაშორისო ორგანიზაციის (IOM) წარმომადგენლებმა ბათუმის შოთა რუსთაველის სახელმწიფო უნივერსიტეტში სემინარი ჩაატარეს მიგრაციის საკითხებზე. იურიდიული ფაკულტეტის სტუდენტები უკანონო მიგრაციის, ტრეფიკინგის სახეებსა და ამ დანაშაულებების თავიდან აცილების გზებს გაეცნენ. ღონისძიების ფარგლებში ფილმის - „გზა თავისუფლებისაკენ“ ჩვენება გაიმართა. სემინარის დასრულების შემდეგ, ტრენერებმა ახალგაზრდების შეკითხვებს უპასუხეს.

ბათუმის შოთა რუსთაველის სახელმწიფო უნივერსიტეტს ლიტვის, მიკოლას რომერის უნივერსიტეტის სამართლის ფაკულტეტის დეკანის მოადგილე საერთაშორისო ურთიერთობებისა და განათლების დარგში ასოცირებული პროფესორი დოვილე გელუტი ეწვია. ვიზიტის ფარგლებში სამუშაო შეხვედრა გაიმართა იურიდიული ფაკულტეტის ბაკალავრიატის სტუდენტებთან, სადაც ადამიანის ძირითადი უფლებები და მისი დაცვის ღონისძიებები განიხილეს ევროკავშირის სამართლის მიხედვით.