ბსუ-ს იურიდიული ფაკულტეტის სასამართლო საიმიტაციო დარბაზში ასოცირებული პროფესორი ომარ ფარტენაძის ხელმძღვანელობით, იმიტირებული სასამართლო პროცესი გაიმართა, სადაც იურიდიული ფაკულტეტის სისხლის სამართლის მიმართულების მეოთხე კურსისა და ჰუმანიტარულ მეცნიერებათა ფაკულტეტის ფილოსოფიის სპეციალობის სტუდენტები მონაწილეობდნენ. სასამართლო პროცესზე იმიტირებული მკვლელობის გამოძიების განხილვა გაიმართა. სტუდენტებმა წარმატებით გაართვეს თავი სისხლის სამართლის დანაშაულის გამოძიებას - შემთხვევის ადგილის დათვალიერებით, მტკიცებულებების შეგროვებით, ნაფიც მსაჯულთა შერჩევითა და სასამართლო პროცესის გამართვით. პროცესი ლოგიკური დასასრულით - ნაფიც მსაჯულთა გამამართლებელი ვერდიქტით დასრულდა. ნაფიცი მსაჯულები ფილოსოფიის სპეციალობის სტუდენტები იყვნენ. პროცესის მოსამართლის როლს კი სისხლის სამართლის მაგისტრანტი თემური აბაშიძე ასრულებდა.

25 და 26 აპრილს, ქალაქ ბათუმის შოთა რუსთაველის სახელმწიფო უნივერსიტეტში კავშირი საფარის სპეციალისტებმა ჩაატარეს ტრენინგი და საჯარო ლექცია თემაზე: “გენდერული ძალადობის ღია და ფარული ფორმები”. ტრენინგი მოიცავდა შემდეგ საკითხებს: გენდერი, გენდერულად მოტივირებული დისკრიმინაცია, გენდერული თანასწორობისათვის ბრძოლა და აქტივიზმი,სექსუალური შევიწროება, როგორც გენდერული დისკრიმინაციის გამოხატულება და საკითხის სამართლებრივი რეგულირება, როგორ დავიცვათ თავი და როგორ დავეხმაროთ სხვას;

27-28 აპრილს, ევროკავშირის ჟან მონეს პროექტით დაფუძნებული ასოციაციის - „ევროპული სწავლება კავკასიაში“ - ეგიდით გაიმართა პირველი საერთაშორისო ყოველწლიური სამეცნიერო კონფერენცია თემაზე: „ევროპეიზაციის გამოწვევები და შესაძლებლობები კავკასიაში.“ კონფერენციაში მონაწილეობდნენ ბათუმის შოთა რუსთაველის სახელმწიფო უნივერსიტეტის გრანტში მონაწილე პირები ადამ მახარაძემ, გვანცა დავითაშვილმა და თათია ნაკაშიძემ. კონფერენციაზე მოხსენება თემაზე - „საქართველოს ევროპეიზაცია: უსაფრთხოების პრობლემები“ - წარმოადგინა გვანცა დავითაშვილმა.

18-21 აპრილს, იურიდიული ფაკულტეტის დეკანმა ადამ მახარაძემ და ამავე ფაკულტეტის ასოცირებულმა პროფესორმა ლევან ჯაყელმა მიმდინარე წელს მონაწილეობა მიიღეს ჩეხეთის რესპუბლიკის ქალაქ ბრნოში ჩატარებული ევროპის იურიდიული ფაკულტეტების მიერ გამართულ კონფერენციაში. შეხვედრაზე განიხილეს იურიდიული განათლების ძირითადი ასპექტები, განვითარების მიმართულებები და ტენდენციები.

ბათუმის N4 საჯარო სკოლის X, XI და XII კლასის მოსწავლეებს იურიდიული ფაკულტეტის დეკანმა ადამ მახარაძემ სამართალმცოდნეობის მეორე კურსის სტუდენტებთან ერთად საჯარო ლექცია წაუკითხა თემაზე „მოზარდი და დანაშაული“. აღნიშნული შეხვედრა მიზნად ისახავდა მოზარდებში სამართლებრივი კულტურის ამაღლებას და პრევენციული ღონისძიებების გატარებას დანაშაულებრივ ქმედებების თავიდან აცილების მიზნით.