ამერიკის შეერთებული შტატების ოკლაჰამას შტატის უნივერსიტეტის პროფესორმა, უილიამ ფრიკმა ფსიქოლოგიის სპეციალობის სტუდენტებს წაუკითხა ლექცია აშშ-ს განათლების სისტემის თაობაზე. პროფესორმა ფრიკმა ასევე ისაუბრა ზოგადსაგანმანათლებლო, კერძო და სახელმწიფო სასწავლებლების ფუნქციონირების თავისებურებების შესახებ, აშშ-ში ხარისხის მოპოვებისა და უცხოელებისათვის სწავლის გაგრძელების შესაძლებლობებზე.

ბათუმში აზერბაიჯანის რესპუბლიკის გენერალურმა კონსულმა რაშად ფაილოღლუ ისმაილოვმა ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა. დიპლომატმა საერთაშორისო ურთიერთობების სტუდენტებს დიპლომატიის ისტორიაზე, საქართველო-აზერბაიჯანის დიპლომატიურ ურთიერთობებზე, საერთაშორისო ორგანიზაციებსა და სამომავლო გეგმებზე ისაუბრა. მომხსენებელმა ყურადღება გაამახვილა აზერბაიჯანისა და საქართველოს მეგობრულ ურთიერთობებზე, თანამშრომლობასა და სტრატეგიულ პროექტზე - ბაქო-თბილისი-ჯეიჰანის ნავთობსადენი. კონსული საჯარო ლექციების ციკლს საერთშორისო ურთიერთოების სპეცილობის სტუდენტებისთვის დიპლომატიის აქტუალურ საკითხებზე გააგრძელებს.

ბათუმის შოთა რუსთაველის სახელმწიფო უნივერსიტეტოს საზოგადოებრივ და პოლიტიკურ მეცნიერებათა დეპარტამენტის ასოცირებულმა პროფესორმა ირაკლი გორგილაძემ და ასისტენტ პროფესორმა ლაშა ბაჟუნაიშვილმა მონაწილეობა მიიღეს საერთაშორისო კონფერენციაში „ნატო მსოფლიოს თანამედროვე გამოწვევების წინაშე 2016 წლის ვარშავის სამიტის შემდეგ“. ქართველმა მომხსენებლებმა ორდღიან საერთაშორისო სესიაზე მოხსენება წარადგინეს თემაზე: ნატოს შავი ზღვის რეგიონის ჰორიზონტები და „ახალი გეოპოლიტიკური“ არქიტექტურა. ბსუ-ს პროფესორებმა საკუთარი მოსაზრებები წარმოადგინეს ასევე კონფერენციის ფარგლებში გამართულ დისკუსიებში, სემინარებსა და სხვა სამეცნიერო ღონისძიებებში. სამეცნიერო კონფერენცია გაიმართა ვუჯის უნივერსიტეტის (პოლონეთი) საერთაშორისო ურთიერთობებისა და პოლიტიკის მეცნიერების ფაკულტეტის ორგანიზებით.

ბათუმის შოთა რუსთაველის სახელობის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის დეკანის ქეთევან ბერიძის ინიციატივით ქ. ნიკოლაევის ნაციონალური ვ. სუხომლინსკის სახელობის უნივერსიტეტის ფსიქოლოგმა, ფსიქოთერაპევტმა ოქსანა პილიჩუკ-ფარტენაძე, ტრენინგი გამართა თემაზე: „კინოთერაპია და კინოტრენინგი, როგორც ფსიქოლოგის სამუშაო ინსტრუმენტი“. ტრენინგს „კლინიკური ფსიქოლოგიის“ მაგისტრანტები და ფსიქოლოგიის საბაკალავრო პროგრამის სხვადასხვა კურსის სტუდენტები ესწრებოდნენ.

2 და 4 ნოემბერს, ბათუმის შოთა რუსთაველის სახელმწიფო უნივერსიტეტში, უკრაინელმა ფსიქოთერაპევტმა, ოქსანა ფარტენაძემ ტრენინგი გამართა თემაზე: "პირველკურსელთა ადაპტაცია". ორდღიანი კურსი პირველკურსელთა მხარდამჭერი ჯუფის ჩამოყალიბებასა და ახალ გარემოში ადაპტაციის გაუმჯობესებას ისახავს მიზნად. ტრენინგი ფსიქოლოგიის მე-2 და მე-4 კურსის სტუდენტებმა, მაგისტრებმა და ფსიქოლოგიის კურსდამთავრებულებმა გაიარეს.