2021 წლის 21-22 აპრილს იმართება პირველი საერთაშორისო სამეცნიერო პრაქტიკული კონფერენცია: „საერთაშორისო სამეცნიერო დისკუსია: პრობლემები, ამოცანები და პერსპექტივები“. აბსტრაქტების მიღების ბოლო ვადაა 21 აპრილი. სტატია გამოქვეყნდება საერთაშორისო ბაზაში შემდეგი კოდებით: ISSN 2709- 4685; ISBN 978-0-86189-342-3. სტატიას მიენიჭება - DOI

„ერასმუს+“-ის ინსტიტუციური თანამშრომლობის პროექტების (CBHE) 2020 წლის კონკურსის შედეგები ცნობილია. ქართველი პარტნიორების მონაწილეობით შვიდი ახალი პროექტი დაფინანსდა, მათგან ხუთი ბათუმის შოთა რუსთაველის სახელმწიფო უნივერსიტეტის პარტნიორობით განხორციელდება.

ვიშეგრადის საერთაშორისო ფონდი (IVF) და ევროპული საუნივერსიტეტო ინსტიტუტი (EUI) ერთობლივად იწყებენ ახალ საგრანტო პროგრამას ცენტრალური და აღმოსავლეთ ევროპის იმ ახალგაზრდა მეცნიერებისათვის (პოსტ-დოქტორანტებისათვის), რომლებიც დაინტერესებულნი არიან ევროპული ინტეგრაციით, ევროკავშირის ისტორიულ არქივში (EUI) კვლევის ჩატარებით. 2021-2022 წლებში ხელმისაწვდომია ათი სამეცნიერო გრანტი, რომელთა ოდენობა შეადგენს 5000 ევროს.

სან დიეგოს სახელმწიფო უნივერსიტეტი აცხადებს სადოქტორო კვლევის მხარდაჭერის პროგრამას ახალგაზრდა ქართველი მეცნიერებისთვის. პროექტს აფინანსებს აშშ-ს სახელმწიფო დეპარტამენტი და ახორციელებს სან დიეგოს სახელმწიფო უნივერსიტეტი (SDSU).პროგრამაში მონაწილეობის მიღება შეუძლიათ საქართველოში აკრედიტირებული უმაღლესი საგანმანათლებლო დაწესებულებების სადოქტორო საგანმანათლებლო პროგრამის სტუდენტებს.

საქართველოს პოლიტიკის ინსტიტუტი (GIP) ნორვეგიის საერთაშორისო ურთიერთობების ინსტიტუტთან (NUPI) ერთად, 29-30 მარტს დოქტორანტებისა და ახალგაზრდა მკვლევარებისთვის ჩაატარებს ონლაინ მასტერკლასს თემაზე: „აკადემიური ნაშრომის გამოქვეყნება“. ორი დღის განმავლობაში მკვლევარებს ჩაუტარდებათ თეორიული და პრაქტიკური ტრენინგები, რაც მსმენელებს შესაძლებლობას მისცემს, მათი ნაშრომები რედაქტორებმა შეაფასონ და გამოქვეყნებაში დაეხმარონ. განაცხადის გაკეთება შესაძლებელია 15 მარტამდე.