გამოცხადდა მიღება პროფესიული გადამზადების პროგრამაზე ,,მცენარეთა ინტეგრირებული დაცვა“. პროგრამაზე სწავლის მსურველთა რეგისტრაცია განხორციელდება 2023 წლის 24 აპრილიდან 5 მაისის ჩათვლით (შაბათ-კვირის გარდა), რისთვისაც დაინტერესებულმა პირებმა უნდა მიმართონ დასაქმების ხელშეწყობის სახელმწიფო სააგენტოს, აჭარის დასაქმების სააგენტოს შემდეგ მისამართზე - ქ. ბათუმი, ჯავახიშვილის ქ. 70/72.

  რეგისტრაციისთვის საჭირო დოკუმენტაცია:

 ა) პირადობის დამადასტურებელი მოწმობის ასლი (დედანთან ერთად);

 ბ) ფოტოსურათი (3X4);

 გ) პროფესიული გადამზადების პროგრამით - ,,მცენარეთა ინტეგრირებული დაცვა“  განსაზღვრული წინარე განათლების დამადასტურებელი დოკუმენტის ნოტარიულად დამოწმებული ასლი (ბსუ-ს კურსდამთავრებულის შემთხვევაში უმაღლესი განათლების დამადასტურებელი დიპლომის ასლი, ბსუ-ს გერბიანი ბეჭდით დამოწმებული);

 დ) სამხედრო აღრიცხვაზე ყოფნის დამადასტურებელი დოკუმენტის ასლი (სამხედრო აღრიცხვას დაქვემდებარებული პირებისათვის);

   დაშვების წინაპირობები:

• განათლება: სრული ზოგადი;
• ასაკი: არანაკლებ 18 წელი;

აპლიკანტთა შერჩევის ფორმა: გამოცდა (ტესტირება) და გასაუბრება (ონლაინ)

აპლიკანტი/პროგრამის გავლის მსურველი უნდა აკმაყოფილებდეს შემდეგ მოთხოვნებს: მუშაობის გამოცდილება არანაკლებ 1 წელი;  მემცენარეობის დარგში დასაქმებული ფერმერი და/ან აგრონომი და/ან აგრომეწარმე და/ან აგრობიზნესის წარმომადგენელი და/ან აგრარული მიმართულების დამამთავრებელი კურსის სტუდენტები და კურსდამთავრებულები.

რეგისტრაციასთან დაკავშირებულ საკითხზე კონსულტაციისათვის დაგვიკავშირდით:  577-49-19-39