E-PSY-ის ფსიქიკური ჯანმრთელობის ევროპული კვირეულის ფარგლებში ბსუ-ს ფსიქოლოგიის კლინიკის პრაქტიკანტმა, ფსიქოლოგიის საბაკალავრო საგანმანათლებლო პროგრამის მესამე კურსის სტუდენტმა ანრი ვანიძემ უნივერსიტეტის ეზოში პრეზენტაცია წარადგინა თემაზე: „ტრიქოტილომანია“. სტუდენტებმა მოისმინეს და იმსჯელეს ტრიქოტილომანიის გამომწვევ მიზეზებზე, მკურნალობის აუცილებლობაზე, განიხილეს ფსიქოლოგის პროფესიული საქმიანობა, ეთიკის ნორმები და მეთოდები. ღონისძიება ფსიქოლოგიის დეპარტამენტის აკადემიური პერსონალისა დაბსუ-ს ფსიქოლოგიის კლინიკის თერაპევტების, ქეთევან ბერიძისა და შორენა მესხიძის ორგანიზებით გაიმართა.

ბათუმის შოთა რუსთველის სახელმწიფო უნივერსიტეტის სტუდენტებთან შეხვედრა გაიმართა თემაზე: „ფსიქოლოგიური მომსახურების სერვისების საჭიროება ჩვენს რეალობაში“. შეხვედრას უძღვებოდა სოციალურ მეცნიერებათა დოქტორი (ფსიქოლოგია), ფსიქოლოგიის დეპარტამენტის მოწვეული მასწავლებელი დავით ქათამაძე. შეხვედრაზე განხილული იყო შემდეგი საკითხები: ფსიქიკური ჯანმრთელობის პრინციპები, მისი მნიშვნელობა სტუდენტურ ცხოვრებაში, გამკვლავების სტრატეგიები და უნივერსიტეტში არსებული ფსიქოლოგიური დახმარების სერვისები.

იურისტის დღისადმი მიძღვნილი ღონისძიებების ფარგლებში, ბათუმის შოთა რუსთველის სახელმწიფო უნივერსიტეტში იურიდიულ და სოციალურ მეცნიერებათა ფაკულტეტის პროფესორ-მასწავლებლების ორი წიგნის წარდგენა გაიმართა. შედგა პროფესორების, ლევან ჯაყელისა და მურმან გორგოშაძის სახელმძღვანელოს შესავალი სამართალმცოდნეობაში” და მოწვეული მასწავლებლის ედიშერ ფუტკარაძის წიგნის „ჩემი მოსაზრებები. პუბლიცისტიკა და პოეზია” პერზენტაცია. ღინისძიება იურიდიული და სოციალურ მეცნიერებათა ფაკულტეტის ორგანიზებით ჩატარდა და მასში ფაკულტეტის აკადემიური პერსონალთან და სტუდენტებთან ერთად, მოწვეული სტუმრები მონაწილეობდნენ.

აკაკი წერეთლის სახელობის ბათუმის საჯარო ბიბლიოთეკაში ბსუ-ს იურიდიული და სოციალურ მეცნიერებათა ფაკულტეტის საზოგადოებრივ და პოლიტიკურ მეცნიერებათა დეპარტამენტის ასოცირებული პროფესორების, ლაშა ბაჟუნაიშვილის და ირაკლი გორგილაძის სახელმძღვანელოს „ევროპული ერთობა. იდეა, პოლიტიკა, ინტეგრაცია“ წარდგენა გაიმართა. პრეზენტაციის შემდეგ ასოცირებულმა პროფესორმა ლაშა ბაჟუნაიშვილმა ბათუმის საჯარო სკოლის მოსწავლეებისა და პედაგოგებისთვის ჩაატარა საჯარო ლექცია და დისკუსია თემაზე „ევროპული იდეა: მშვიდობა და განვითარება თაობებისთვის“. ლექციის დასრულების შემდეგ მომხსენებელმა მოსწავლეების აქტუალურ შეკითხვებს უპასუხა.

E-PSY-ის, „ერაზმუს+“-ის ინსტიტუციური თანამშრომლობის პროექტის „ფსიქოლოგიური კონსულტაციის ცენტრების გახსნა სტუდენტებისთვის საქართველოს უმაღლეს საგანმანათლებლო დაწესებულებებში“ ფსიქიკური ჯანმრთელობის ევროპული კვირეულის ფარგლებში შეხვედრა გაიმართა თემაზე: „სკოლამდელი ინკლუზიური განათლება და მომავლის ბაღი“. ღონისძიების მონაწილეებმა იმსჯელეს უნივერსიტეტისა და ბაღის როლზე მომავალი სპეციალისტების ჩამოყალიბებაში, ასევე, ბაღში არსებულ გამოწვევებსა და მათი გადაჭრის გზებზე. შეხვედრაში მონაწილეობა მიიღეს ბსუ-ს პროფესორ-მასწავლებლებმა, ბათუმის ბაღების გაერთიანების დირექტორმა დავით დიასამიძემ, საბავშვო ბაღის გამგეებმა და ფსიქოლოგებმა. ღონისძიების მონაწილეებს მიესალმნენ ბსუ-ს რექტორის მოადგილე თამარ სირაძე, ფსიქოლოგიის დეპარტამენტის ხელმძღვანელი რუსუდან კეჭეყმაძე და ბსუ-ს ფსიქოლოგიის კლინიკის კოორდინატორი ქეთევან ბერიძე.