საქართველოს სახელმწიფოებრივი დამოუკიდებლობის აღდგენის დღე ბათუმის  შოთა რუსთაველის სახელმწიფო უნივერსიტეტში რამდენიმე ღონისძიებით აღინიშნა. აჭარის მუზეუმთან გაფორმდა თანამშრომლობის მემორანდუმი,  ბსუ-ს I კორპუსის ფოიეში გაიხსნა აჭარის მუზეუმის ფონდებში დაცული მასალების გამოფენა. Zoom-ის ონლაინ პლატფორმის საშუალებით ბსუ-ს ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტისა და აჭარის მუზეუმის ორგანიზებით გაიმართა საქართველოს დამოუკიდებლობის აღდგენის 103 წლისადმი მიძღვნილი სამეცნიერო კონფერენცია.

სამეცნიერო სესიაზე ქვეყნის სხვადასხვა უმაღლესი საგანმანათლებლო დაწესებულების პროფესორ-მასწავლებლებმა  მოხსენებები წარმოადგინეს საქართველოს სახელმწიფოებრივი დამოუკიდებლობის აღდგენის აქტუალურ  საკითხებზე, გაიხსენეს და იმსჯელეს 103 წლის წინ განვითარებულ მოვლენებზე.

სამეცნიერო კონფერენციის    მომხსენებლები:

• „საქართველოს სახელმწიფოებრივი დამოუკიდებლობის აღდგენის ისტორიოგრაფიიდან“ - ვახტანგ გურული, პროფესორი, საქართველოს საპატრიარქოს წმინდა ანდრია პირველწოდებულის ქართული უნივერსიტეტი;

• „სად და როდის გადაწყდა საქართველოს სახელმწიფოებრივი დამოუკიდებლობის აღდგენის საკითხი“- ჯემალ კარალიძე, ასოცირებული პროფესორი, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის ხელმძღვანელი;

• ,,1918 წლის 26 მაისი - ქართული კონსტიტუციონალიზმის ისტორიის დასაწყისი"-  თამარ ავალიანი, ასოცირებული პროფესორი, საქართველოს ეროვნული უნივერსტეტი;

• „რამსეი მაკდონალდი საქართველოს პირველი რესპუბლიკის და 1921 წლის კონსტიტუციის შესახებ"- მალხაზ ნაკაშიძე,  ასოცირებული პროფესორი, ბათუმის შოთა რუსთაველის სახელმწიფო უნივერსიტეტი;

• „ბათუმის ოლქი 1918-1920 წლებში“ - ოთარ გოგოლიშვილი, პროფესორი, ბათუმის შოთა რუსთაველის სახელმწიფო უნივერსიტეტი, აჭარის ხარიტონ ახვლედიანის სახელობის მუზეუმის მმართველი;

• „ეკონომიკა საქართველოს დემოკრატიულ რესპუბლიკაში 1918-1921 წლებში“ - თეონა ზოიძე, ბიზნესის ადმინისტრირების დოქტორი,  სსიპ „აჭარის მუზეუმის“ დირექტორი;

• „ქუთაისის გუბერნია 1918-1921 წლებში“ - სულხან კუპრაშვილი , პროფესორი, აკაკი წერეთლის სახელმწიფო უნივერსიტეტის ისტორია-არქეოლოგიის დეპარტამენტის ხელმძღვანელი;

• „ვლასა მგელაძე“ - რუსუდან კობრავა, აჭარის ხარიტონ ახვლედიანის სახელობის მუზეუმის ისტორიის მიმართულების ხელმძღვანელი;

• საქართველოს სახელმწიფოებრივი დამოუკიდებლობის აღდგენის დღისადმი მიძღვნილი ღონისძიებები ბათუმის შოთა რუსთველის სახელმწიფო უნივერსიტეტისა და აჭარის მუზეუმის  ორგანიზებით აღინიშნა.