17 ივნისი 2021 წელი
ბსუ-ს ჰუმანიტარულ მეცნიერებათა ფაკულტეტის ინგლისური ფილოლოგიის საგანმანათლებლო პროგრამის მეოთხე კურსის წარჩინებულმა სტუდენტმა, სახელმწიფო სტიპენდიანტმა თედო შარადენიძემ გამოსცა დამხმარე პრაქტიკული სახელმძღვანელო ინგლისურ ენაში „წერეთ და ისაუბრეთ ინგლისურად“. სახელმძღვანელო განკუთვნილია აბიტურიენტებისა და სტუდენტებისთვის, შედგება წიგნის ავტორის მიერ დაწერილი ესეების, დიალოგების, მონოლოგების, პრაქტიკულ სავარჯიშოებისაგან.
თედო შარადენიძის მიერ შედგენილმა სახელმძღვანელომ ინგლისური ენის ქართველ და უცხოელ სპეციალისტთა მაღალი შეფასება დაიმსახურა. მომავალი წლიდან თედო გეგმავს სწავლა გააგრძელოს მაგისტრატურაში ინგლისური ფილოლოგიის მიმართულებით.