სახელმწიფო ენის დეპარტამენტის წარმომადგენლებმა,  სახელმწიფო ენის ფუნქციონირების ზედამხედველობის სამსახურის უფროსმა მარინე ბერიძემ, საინფორმაციო-ანალიტიკური კვლევის მენეჯერმა მაკა თეთრაძემ და სპეციალისტმა სოფიო კობიაშვილმა დააჯილდოვეს დეპარტამენტის მოხალისეთა პროგრამის მონაწილე  ბსუ-ს ჰუმანიტარულ მეცნიერებათა ფაკულტეტის სტუდენტები: გოჩა დავითაძე, ლილია თავდგირიძე, ნათია გიორბელიძე და დიანა ქარცივაძე.

სახელმწიფო ენის დეპარტამენტმა ბსუ-ს მოხალისე სტუდენტების ჩართულობით ბათუმში საინტერესო პროექტი განახორციელა: 

• მოხალისეებმა შეამოწმეს ბათუმის ცენტრალურ ქუჩებში განთავსებული საინფორმაციო და სარეკლამო აბრები და ამ ქუჩებზე არსებულ კვების ობიექტებში  – მენიუები სახელმწიფო ენის გამოყენების თვალსაზრისით.
• ამ დროისთვის შემოწმებულია 200-მდე ობიექტი;
• ამჟამად მუშავდება შეკრებილი მონაცემები და კვლევის შედეგები გამოქვეყნდება დეპარტამენტის ვებგვერდზე;
• არსებული ინფორმაციის საფუძველზე სახელმწიფო ენის დეპარტამენტი გამოავლენს დარღვევებს და დარღვევის გამოსწორების მიზნით გასცემს რეკომენდაციებს; 
• დაგეგმილია განმეორებითი მონიტორინგი.

სახელმწიფო ენის დეპარტამენტმა მადლობა გადაუხადა ბათუმის შოთა რუსთაველის სახელმწიფო უნივერსიტეტსა და მოხალისეებს თანამშრომლობისათვის.