28 მარტს, ფრანკოფონიის კვირეულის ფარგლებში, ბსუ-ს პროფესორ-მასწავლებლებმა ალექსანდრე დიუმას სახელობის ფრანგულ-ქართული სკოლის მოსწავლეები მოინახულეს. ბსუ-ს ასისტენტ პროფესორი ნათია აბაშიძე და ფილოლოგიის დოქტორი სოფიო კახიძე  ალექსანდრე დიუმას სახელობის ფრანგულ-ქართული სკოლის მაღალი კლასის მოსწავლეებსა და სკოლის მასწავლებლებს შეხვდნენ.

პროფესორ-მასწავლებლებმა მოსწავლეებს გააცნეს უნივერსიტეტი, ისაუბრეს  რომანული ფილოლოგიის საბაკალავრო საგანმანათლებლო პროგრამაზე, ფრანგულენოვან გაცვლით პროგრამებსა და მის პრიორიტეტებზე, ბსუ-ში მოქმედ AUF-ის ცენტრსა და ფრანგული ენის როლზე თანამედროვე ეპოქაში.

შემეცნებითი ხასიათის ღონისძიება კითხვა-პასუხის რეჟიმში წარიმართა, პროფესორ-მასწავლებლებმა მოსწავლეების შეკითხვებს უპასუხეს და თანამედროვე სწავლების ციფრული ტექნოლოგიების გამოყენებით, ინტერაქტიულ რეჟიმში, ფრანგული ცივილიზაციის საკითხებზე შექმნილი სახალისო ვიქტორინაც გამართეს. ვიზიტი მიზნად ისახავდა სკოლასთან თანამშრომლობის გაღრმავებასა და ფრანგული ენის პოპულარიზაციას.