ევროპული ფილოლოგიის მაგისტრატურის პირველი კურსის სტუდენტებს სემინარი ჩაუტარა ინგლისური ენის მასწავლებელმა და განათლების სპეციალისტმა მაქსინ ფონდმა. იგი მეგობრული ვიზიტით იმყოფებოდა ბათუმში. მაქსინ ფონდი წლების განმავლობაში მუშაობს განათლების სფეროში. მას აქვს მიღებული ბაკალავრის ხარისხი საშუალო განათლების სფეროში, მაგისტრის ხარისხი ლინგვისტიკაში და, ბოლოს, 72 წლის ასაკში მონტანის უნივერსიტეტში მოიპოვა დოქტორის წოდება უმაღლეს და ზრდასრულთა განათლების სფეროში.

მრავალი წლის განმავლობაში მაქსინ ფონდი თანამშრომლობდა, როგორც ინგლისური ენის მასწავლებელი კლაიპედას საერთაშორისო უნივერსიტეტთან და ატარებდა პროფესიული განვითარების სემინარებს. ევროპის სხვადასხვა  უნივერსიტეტში. ევროპული ფილოლოგიის სტუდენტებს მან ჩაუტარა სემინარი კოლაბოციური სწავლების აქტივობის შესახებ და ამ გზით გააცნო სტუდენტებისთვის უცნობი ბრძოლის ისტორია ამერიკის შეერთებული შტატების წარსულიდან.