დედა ენის დღე ბათუმის შოთა რუსთაველის სახელმწიფო უნივერსიტეტში საზეიმოდ აღინიშნა. სტუდენტებმა, პროფესორ-მასწავლებლებმა და ადმინისტრაციის წარმომადგენლებმა უნივერსიტეტის ეზოდან ილია ჭავჭავაძის ძეგლის მიმართულებით  მსვლელობა მოაწყვეს, 1978 წლის 14 აპრილს განვითარებული მოვლენები გაიხსენეს და ეროვნულ-განმათავისუფლებელი მოძრაობის ლიდერის ძეგლი გვირგვინით შეამკეს. ღონისძიებას  ბათუმის სხვადასხვა საჯარო სკოლის მოსწავლეები და ა/რ  მთავრობის  წარმომადგენლები შემოუერთდნენ.

დედა ენის  დღის აღსანიშნავად საზეიმო  მსვლელობის ტრადიციას საფუძველი   ბათუმში,   შოთა რუსთაველის სახელმწიფო უნივერსიტეტმა ჩაუყარა და მასში ათეული წელია მთელი ქალაქი მონაწილეობს.

14 აპრილი  1978 წლის მოვლენების აღსანიშნავად 1990 წლიდან აღინიშნება.