ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტი უკვე მეორედ აცხადებს კონკურსს - „ქართული კალიგრაფია“. კონკურსის მიზანი  ხელით წერის კულტურისა და  მონაწილეთა შემოქმედებითი უნარის განვითარებაა, ასევე ქართული ანბანის განსაკუთრებულობის წარმოჩენაა.

„ქართული ანბანის სამი სახეობის ცოცხალი კულტურა“ - ამ დასახელებით შევიდა (2016 წ.) იუნესკოს არამატერიალური კულტურული მემკვიდრეობის ნუსხაში ქართული ანბანის სამი სახეობა - მრგვლოვანი, ნუსხური და მხედრული.

2017 წელს აქტუალური თემა შოთა რუსთაველის „ვეფხისტყაოსანი“ იყო.

2018 წელს კონკურსის თემაა: „ოთარ ჭილაძის ერთი სტრიქონი“ (ოთარ ჭილაძე-85!)

მოცულობა: ერთი გვერდი (A4).

საუკეთესო ნიმუშები გამოიფინება 14 აპრილისათვის.

კონკურსის შედეგად გამოვლინდება „საუკეთესო კალიგრაფი“, რომელიც 17 აპრილს დაჯილდოვდება სიგელით.

კონკურსში მონაწილეობა შეუძლია ყველა მსურველს (უნივერსიტეტელს).