ბათუმის შოთა რუსთაველის სახელმწიფო უნივერსიტეტში ავტორიზაციის ექსპერტთა ვიზიტი დასრულდა. 22-დან 24 მაისის ჩათვლით უცხოელი და ქართველი ექსპერტები ბსუ-ს ადმინისტრაციას, მართვის ორგანოებს, სამსახურებს, აკადემიურ და სამეცნიერო პერსონალს, დამსაქმებლებს, ქართველ და უცხოელ სტუდენტებს შეხვდნენ. ექსპერტები უმაღლეს საგანმანათლებლო დაწესებულებას ავტორიზაციის განახლებული სტანდარტებისა და პროცედურების მიხედვით შეაფასებენ.
ბათუმის შოთა რუსთაველის სახელმწიფო უნივერსიტეტის სტუდენტთა კარიერული განვითარების, კულტურისა და სპორტის დეპარტამენტის უფროსმა მერაბ დიასამიძემ სტუდენტებს „სტუდენტური პროექტების“ კონკურსში მონაწილეობის პირობები და შესაძლებლოები გააცნო. კონკურსის მიზანია აქტიური სტუდენტური ცხოვრების წახალისება, ხელშეწყობა და სტუდენტებში პროფესიული-კვლევითი უნარ-ჩვევების ამაღლება. სტუდენტური პროექტი შეიძლება იყოს ორი სახის - სამეცნიერო-კვლევითი და საგანმანათლებლო, კულტურულ-შემოქმედებითი და სპორტული. კონკურსში მონაწილეობის მსურველებმა რეგისტრაციისთვის ეწვიეთ ვებგვერდს.
ბათუმის სახელმწიფო უნივერსიტეტს მიუნსტერის უნივერსიტეტის გერმანისტიკის ინსტიტუტის პროფესორი კორდულა შუტცე და ერაზმუს+-ის კოორდინატორი ალბინა ჰასი ეწვივნენ. შეხვედრაზე სტუმრებმა მიუნსტერის გერმანისტიკის ინსტიტუტის შესახებ ისაუბრეს და კოოპერაციაში ბათუმის შოთა რუსთაველის სახელმწიფო უნივერსიტეტის გაწევრიანების შესაძლებლობებზე იმსჯელეს. ვიზიტის ფარგლებში დაიგეგმა ერთობლივი საგანმანათლებლო პროექტების განხორციელება და თანამშრომლობის მემორანდუმის გაფორმება.
რუმინეთის მეცნიერებათა აკადემიის წევრმა, კონსტანცას უნივერსიტეტის პროფესორმა, თსუ-ს საპატიო დოქტორმა ნიკოლაე დურამ ბათუმის შოთა რუსთველის სახელმწიფო უნივერსიტეტის სტუდენტებისა და პროფესორ-მასწავლებლებისათვის საჯარო ლექცია წაიკითხა თემაზე: „საქართველო-რუმინეთის ურთიერთობათა ისტორიიდან“. მომხსენებელმა ბათუმისა და კონსტანცას ურთიერთობების მეცნიერული შესწავლის მნიშვნელობასთან ერთად, ორი ქვეყნის ისტორიულ კავშირებზე ისაუბრა და რუმინეთში მოღვაწე ქართველების ანთიმოზ ივერიელისა და მიხეილ სტაფანიშვილის ღვაწლი შეაფასა. ლექციის დასრულების შემდეგ, უნივერსიტეტის რექტორ მერაბ ხალვაშსა და პროფესორ ნიკოლაე დურას შორის გამართულ შეხვედრაზე დაიგეგმა ბათუმის შოთა რუსთაველის სახელმწიფო უნივერსიტეტისა და კონსტანცას უნივერსიტეტის თანამშრომლობის მემორანდუმის გაფორმება.
ბათუმის შოთა რუსთველის სახელმწიფო უნივერსიტეტში საქართველოს დამოუკიდებლობის აღდგენის 100 წლისადმი მიძღვნილი X საერთაშორისო სამეცნიერო კონფერენცია გაიხსნა თემაზე: „ჩვენი სულიერების ბალავარი“. ორდღიან საერთაშორისო სესიაში 80 ქართველი, რუმინელი, პოლონელი, რუსი, თურქი, ჩინელი მეცნიერი მოხსენებებს წარმოადგენს ქართული მართლმადიდებლური ეკლესიის ისტორიაზე, ქრისტიანული სარწმუნოების წიაღში განვითარებულ ლიტერატურაზე, კულტურასა და ხელოვნებაზე, ეთნიკურ და რელიგიურ ტოლერანტობაზე, კულტურათა დიალოგზე, სწავლებასა და აღზრდაზე.
