ახალი ამბები

პროექტის „მე მიყვარს ქართული – ჩემი სახელმწიფო ენა“ და ქართული ენის კვირეულის ფარგლებში ბათუმის შოთა რუსთაველის სახელმწიფო უნივერსიტეტის ქართული ენაში მომზადების საგანმანათლებლო პროგრამის (პროგრამა 1+4) სტუდენტებისათვის ჩატარდა კარნახით წერა ქართულ ენაში. ღონისძიება ერთდროულად საქართველოს ათ უმაღლეს საგანმანათლებლო დაწესებულებაში გაიმართა და პროექტის მონაწილე არაქართულენოვანმა სტუდენტებმა ქართული ენის ცოდნის დონე შეამოწმეს. ახალგაზრდები ასევე აქტიურად ჩაერთნენ ქართული ენის დღისადმი მიძღვნილ სხვადასხვა ღონისძიებაში და გამოხატეს პატივისცემა ქართულის, როგორც სახელმწიფო ენისადმი. 10 საუკეთესო ნაშრომის ავტორს ჟიური გამოავლენს და სამახსოვრო საჩუქრებს გადასცემს.

ბათუმში აზერბაიჯანის რესპუბლიკის გენერალური კონსული პარვიზ ისმაილზადა და კონსული პარვინ ისმაილ-ზადა ბათუმის შოთა რუსთაველის სახელმწიფო უნივერსიტეტს ეწვივნენ. დიპლომატიური კორპუსის წარმომადგენლებმა რექტორთან მერაბ ხალვაშთან გამართულ შეხვედრაზე სამომავლო თანამშრომლობის მიმართულებებზე ისაუბრეს. ვიზიტის ფარგლებში დელეგაციის წევრებმა უმაღლეს საგანმანათლებლო დაწესებულებაში აზერბაიჯანის გენერალური საკონსულოს მხარდაჭერით შექმნილი სასწავლო აუდიტორიები დაათვალიერეს და ბსუ-ში მყოფ აზერბაიჯანელ სტუდენტებს შეხვდნენ.

პიროვნული განვითარების თემაზე ირინა ჭოჭუამ ბათუმის შოთა რუსთაველის სახელმწიფო უნივერსიტეტში ღია სემიარი - „რა უნდა მე-ს“ ჩაატარა. ტრენერმა ქოუჩინგური დიალოგის, კითხვების დასმის საშუალებით სხვადასხვა ფაკულტეტის სტუდენტებს ადამიანის პოტენციალის აღმოჩენის ტექნოლოგია გააცნო. ქოუჩინგის მეთოდით მუშაობის შედეგად ისახება მიზნები, ღირებულებებთან ერთდ განისაზღვრება შესაძლებლობები, ვითარდება უნარები, მუშაობა მიმდინარეობს სამოქმედო ენერგიაზე და იდგმება ქმედითი ნაბიჯები. ღია სემინარი ორგანიზაციის „ქოუჩინგ ლაბის“ ორგანიზებით გაიმართა.

საქართველოს პარლამენტის წევრი, საგარეო ურთიერთობათა კომიტეტის თავმჯდომარე დიმიტრი ცქიტიშვილი ბათუმის შოთა რუსთაველის სახელმწიფო უნივერსიტეტის სტუდენტებს და უნივერსიტეტის აკადემიურ პერსონალს შეხვდა. დიმიტრი ცქიტიშვილმა საჯარო ლექცია წაიკითხა თემაზე: „საქართველოს საგარეო პოლიტიკის მიმართულებები და პრიორიტეტები“. შეხვედრის დასასრულს პარლამენტარმა სტუდენტების შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტის რექტორი, მერაბ ხალვაში კვლევითი ინსტიტუტების წამომადგენლები, ფაკულტეტის დეკანები და სამეცნიერო კვლევების სამსახური მსოფლიო ბანკის წარმომადგენელს პეტერ ლინდოლმს, საქართველოს ინოვაციების და ტექნოლოგიების სააგენტოს თავმჯდომარის მოადგილეს ავთანდილ კასრაძეს და ინოვაციების და კომერციალიზაციის დეპარტამენტის უფროსს სალომე ხაჩიაურს შეხვდნენ.