ახალი ამბები

დღეს, ბათუმის შოთა რუსთაველის სახელმწიფო უნივერსიტეტი მონაწილეობას ღებულობს ევროკავშირის ორგანიზებით გამართულ მეოთხე ყოველწლიურ კონფერენციაში:„ შავი ზღვის ლურჯი ეკონომიკის დაინტერესებულ პირთა კონფერენცია-2017’. კონფერენციის მიზანია შავი ზღვის რეგიონული კავშირების გაძლიერება საზღვაო თანამშრომლობის გზით, შავი ზღვისა და სანაპიროს ეკოლოგიური გარემოს გაუმჯობესება, ლურჯი ეკონომიკის ზრდა, ინოვაციების მხარდაჭერა ბიზნეს სექტორში, ერთობლივი კვლევებისა და პროექტების განხორციელება.
ფორუმის ფარგლებში, ბათუმის შოთა რუსთაველის საგამოფენო სივრცეში განთავსდა ბსუ-ს ფიტოპათოლოგიისა და ბიომრავალფეროვნების ინსტიტუტის მეცნიერების, გერმანიის გრეიფსვალდის უნივერსიტეტის, გრეიფსვალდის ტორფნარების სამეცნიერო ცენტრის ერთობლივი კვლევის შედეგების პრეზენტაცია: “კოლხეთის დაბლობის გრძელვადიანი გეგმა - ახალი გამოწვევები ახალი პერსპექტივები“ .

მე-9 საერთაშორისო სამეცნიერო კონფერენცია „მშენებლობის და არქიტექტურის პრობლემები“ გაიხსნა ბათუმის შოთა რუსთაველის სახელმწიფო უნივერსიტეტში. ხუთდღიანი სამეცნიერო სესიის მიზანია მშენებლობასა და არქიტექტურაში არსებული პრობლემების წარმოჩენა და გადაჭრა. საერთაშორისო სამეცნიერო კონფერენციის მუშაობაში 8 ქვეყნის 250 პროფესორ-მასწავლებელი და მკვლევარი ჩაერთვება. მონაწილეები ოთხ სექციაში ჰიდროტექნიკური ნაგებობის მშენებლობასთან, ტრანსპორტის, არქიტექტურისა და საინჟინრო სისტემებთან დაკავშირებულ საკითხებს განიხილავენ.

საქართველოს საუნივერსიტეტო ჩემპიონატი ქვიშის ფრენბურთში ბათუმის შოთა რუსთაველის სახელმწიფო უნივერსიტეტის გამარჯვებით დასრულდა. საქართველოს აკრედიტებულ უმაღლეს საგანმანათლებლო დაწესებულებებს შორის გამართული ტურნირის ფინალურ შეხვედრაში ბსუ-ს გუნდმა ნანა წოწონავასა და ელისაბედ ფალავანდიშვილის შემადგენლობით, საქართველო ტექნიკური უნივერსიტეტის გუნდი დაამარცხა ანგარიშით 2:0. უნივერსიტეტის ნაკრებმა ჩემპიონატის ყველა შეხვედრაში წარმატებით იასპარეზა და დაამარცხა ილიას სახელმწიფო უნივერსიტეტი (2:0), თბილსის ივანე ჯავახიშვილის სახელობის თბილის სახელმწიფო უნივერსიტეტი (2:0), საქართველოს უნივერსიტეტი (2:0), საქართველოს ეროვნული უნივერსიტეტი (2:0), ევროპის უნივერსიტეტი (2:0), საქართველოს ტექნიკური უნივერსიტეტი (2:0). ბათუმის შოთა რუსთაველის სახელმწიფო უნივერსიტეტი ულოცავს გუნდს გამარჯვებას და წარმატებებს უსურვებს.

„ბათუმის საზაფხულო უნივერსიტეტი 2017“ გაიხსნა ბათუმის შოთა რუსთაველის სახელმწიფო უნივერსიტეტში. ბსუ-ს პროფესორ-მასწავლებლები, არასამთავრობო ორგანიზაციის სამოქალაქო საბჭოს, შინაგან საქმეთა სამინისტროს საქართველოს სასაზღვრო პოლიციის და საქართველოს ფინანსთა სამინისტროს შემოსავლების სამსახურის წარმომადგენლები მოხსენებებს წარმოადგენენ საერთაშორისო უსაფრთხოების აქტუალურ საკითხებზე. ორი დღის განმავლობაში განხილული იქნება ისეთი მნიშვნელოვანი თემები, როგორიცაა: საერთაშორისო ნორმები და რეგიონული უსაფრთხოება, ბირთვული გაუვრცელებლობის ხელშეკრულების გამოწვევები, ბირთვული იარაღის აკრძალვა და ჰუმანიტარული ინიციატივა, ჩრდილოეთ კორეის ბირთვული და სარაკეტო პროგრამა, თანამედროვე გამოწვევები, სტრატეგიული ვაჭრობის რეგულირება.

დღეს, ბათუმის შოთა რუსთაველის სახელმწიფო უნივერსიტეტის საერთაშორისო საზაფხულო სკოლა - „ევროკავშირის სამართალი და ევროპული ინტეგრაცია“ დასრულდა. საზაფხულო სკოლის მონაწილეებს აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე შეხვდა. დავით გაბაიძემ სტუდენტებს აჭარის სტატუსზე, უმაღლესი საბჭოს საქმიანობაზე, მის ძირითად პრინციპებზე, უფლებამოსილებებზე, შიდა სახელმწიფოებრივი და ევროპული სამართლის ურთიერთგავლენაზე და სხვა საინტერესო საკითხებზე მიაწოდა ინფორმაცია. დავით გაბაიძემ სტუდენტებს აჭარის სტატუსზე, უმაღლესი საბჭოს საქმიანობაზე, მის ძირითად პრინციპებზე, უფლებამოსილებებზე, შიდა სახელმწიფოებრივი და ევროპული სამართლის ურთიერთგავლენაზე და სხვა საინტერესო საკითხებზე მიაწოდა ინფორმაცია.