საქართველოს ეროვნული აკადემიის აკაედმიკოსმა, ასტროფიზიკის დოქტორმა ჯუმბერ ლომინაძემ, შოთა რუსთაველის სახელმწიფო უნივერსიტეტის სტუდენტებისა და პროფესორ-მასწავლებლებისათვის წაიკითხა საჯარო ლექცია თემაზე: ,, გაფართოებადი სამყაროს საიდუმლოება“.
რსუ შოთა რუსთაველის დარბაზში თბილისის სახელმწიფო უნივერსიტეტის სოციალურ მეცნიერებათა ცენტრმა ორი სამაგისტრო პროგრამის - "გენდერის კვლევები" და "ტრანსფორმაცია სამხრეთ კავკასიაში" პრეზენტაცია გამართა. დასავლეთის წამყვან უნივერსიტეტებთან თანამშრომლობით შექმნილი სამაგისტრო პროგრამა ინტერდისციპლინარული და ერთადერთია მთელ კავკასიაში.
საერთაშორისო პროექტის ბიენალე-არტ პრეზენტაციის საპატიო სტუმრები - რომის ნატიფი ხელოვნების უნივერსიტეტის რექტორი, მოქანდაკე ალფიო მონჯელი, ტურინის სახელმწიფო სამხატვრო აკადემიის პროფესორი, ხელოვნებათმცოდნე ფრანჩესკო პოლი და თბილისის სახელმწიფო სამხატვრო აკადემიის პროფესორი, მოქანდაკე გიორგი ოჩიაური სახელმწიფო უნივერსიტეტის ხელოვნების ფაკულტეტის სტუდენტებს შეხვდნენ და მათთვის მასტერკლასები გამართეს თემებზე: „ჩემი შემოქმედება“ დიაპოზიტივებისა და კატალოგების ჩვენების თანხლებით - მოქანდაკე ალფიო მონჯელი (მასტერკლასი); ხელოვნების სისტემები - ფრანჩესკო პოლი (ლექცია).
შოთა რუსთაველის სახელმწიფო უნივერსიტეტში დაიწყო სკონსულტაციო პროგრამის, „10 კვირა აბიტურიენტებისათვის“ განხორციელება. კურსის მიზანია:დაეხმაროს აბიტურიენტებს ერთიანი ეროვნული გამოცდების საგნობრივ ტესტებზე მუშაობის პრაქტიკული უნარების ჩამოყალიბებაში; დაეხმაროს საგამოცდო პროგრამების რთული და პრობლემური საკითხების შესახებ თეორიული ცოდნის სრულყოფაში; უზრუნველყოს ცალკეულ საგნებში ტესტირებათა ჩატარება, ტესტირებათა შედეგების და ტიპიური შეცდომების ანალიზი აბიტურიენტებისთვის; პროგრამის მოქმედების ვადებია 25 აპრილი - 25 ივნისი.
25 აპრილს ბათუმის მერიის სტუდენტთა დასაქმების პროგრამა დაიწყო და ხუთ კვირას გაგრძელდება. შოთა რუსთაველის სახელმწიფო უნივერსიტეტის, ბათუმის სახელმწიფო საზღვაო აკადემიის და ბათუმის დამოუკიდებელი უნივერსიტეტის 400 სტუდენტს მიეცა მასში ჩართვის შესაძლებლობა. ისინი შაბათ-კვირას იმუშავებენ და სანაცვლოდ ორასლარიან ანაზღაურებას მიიღებენ. პროექტის ბიუჯეტი 200 000 ლარს შეადგენს.
