ქრისტიანული კვლევის ცენტრის ორგანიზებით შოთა რუსთაველის სახელმწიფო უნივერსიტეტში ჩატარდა სამეცნიერო კონფერენცია - ,,ჩვენი სულიერების ბალავარი“, სადაც ბათუმელმა და ქუთაისელმა მკვლევარებმა წაიკითხეს მოხსენებები ქრისტიანული სარწმუნოების წიაღში განვითარებული კულტურისა და ხელოვნების შესახებ.
თიკერის სატყეო უბანში (ფიჭვნარი) წიწვოვანი მცენარეების დარგვით აღნიშნეს დედამიწის დღე რსუ საბუნებისმეტყველო მეცნიერებათა ფაკულტეტის სტუდენტებმა. საქართველოში ეს დღე ტრადიციულად 1991 წლიდან აღინიშნება. წელს აქციის ორგანიზატორები აჭარის გარემოსა და ბუნებრივი რესურსების დაცვის სამმართველო, სტუდენტური თვითმმართველობა და ბიოლოგიის დეპარტამენტი იყვნენ.
რსუ შოთა რუსთაველის დარბაზში (აუდიტორია №55) ომისა და მშვიდობის გაშუქების ინსტიტუტისა (IWPR) და ექსტრემალური ჟურნალისტიკის ცენტრის (CJES) წარმომადგენლები ადგილობრივ ჟურნალისტებს, ლექტორ-მასწავლებლებსა და სტუდენტებს შეხვედნენ და ჟურნალისტიკის პრინციპებზე ისაუბრეს. შეხვედრის ფარგლებში ოლეგ პანფილოვმა აუდიტორიას განხილვისათვის დოკუმენტური ფილმი - ”სიტყვებს მიღმა: ომის ფოტოგრაფები” (პროდიუსერი: გრეკ კელლი, ერიკ ფოსსი) წარუდგინა.
