ახალი ამბები

საქართველოს საგარეო საქმეთა სამინისტროს ორგანიზაციის „საინფორმაციო ცენტრი ნატოსა და ევროკავშირის შესახებ“ ორგანიზებით, ბსუ-ში სტუდენტებთან ნატო-საქართველოს ურთიერთობებზე შეხვედრა გაიმართა. ბსუ-ს რექტორი მერაბ ხალვაში სტუდენტებს მიესალმა და ნატო-საქართველოს ურთიერთობის მნიშვნელობაზე ესაუბრა. საქართევლოს ეროვნული უსაფრთხოების საბჭოს აპარატის თავდაცვის საკითხთა დეპარტამენტის უფროსმა მრჩეველმა, ექსპერტმა ნათია გვენეტაძემ ახალგაზრდებს ნატოს სტრატეგიული კონცეფცია და ევროატლანტიკური ინტეგრაციის აქტუალური საკითხები გააცნო. ღონისძიება ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის „საზოგადოების ინფორმირებულობისა და მედეგობის გაზრდა“ ფარგლებში გაიმართა, რომელსაც საქართველოში ამერიკის შეერთებული შტატების საელჩოსთან ერთად, საინფორმაციო ცენტრი ნატოსა და ევროკავშირის შესახებ ახორციელებს.

ბათუმის შოთა რუსთველის სახელმწიფო უნივერსიტეტში DAAD-ის, გერმანიის აკადემიური გაცვლის სამსახურის ორგანიზებით, ვორქშოფი ჩატარდა თემაზე: „სამეცნიერო მუშაობა და შეცდომების გასწორება“. DAAD-ის წარმომადგენელმა მაქს ბორნმანმა სხვადახვა ფაკულტეტის სტუდენტებსა და პროფესორ-მასწავლებლებს პლაგიატის თავიდან აცილების წესებთან ერთად ციტირებისა და პერიფრაზირების საერთაშორისო სტანდარტები გააცნო. ვორქშოფის მონაწილეებმა ასევე შეისწავლეს აკადემიური წერის მნიშვნელოვანი საკითხები, რაც მათ დაეხმარება საბაკალავრო ნაშრომის შესრულებაში.

DAAD-ის, გერმანიის აკადემიური გაცვლის სამსახურის საინფორმაციო შეხვედრა გაიმართა ბათუმის შოთა რუსთველის სახელმწიფო უნივერსიტეტში. DAAD-ის წარმომადგენელმა მაქს ბორნმანმა სხვადასხვა ფაკულტეტის სტუდენტებს DAAD-ის გაცვლითი პროგრამები და საბაკალავრო, სამაგისტრო, სადოქტორი და სამეცნიერო კვლევითი სტიპენდიები წარუდგინა. მომხსენებელმა გერმანიაში სწავლის მსურველებს კონკურსში მონაწილეობის პირობები და გერმანიის უნივერსიტეტებში სწავლის შესაძლებლოებები გააცნო. მოკლევადიანი საბაკალავრო სტიპენდიის მისაღებად აუცილებელია გერმანული ენის (B1 დონე) ცოდნა, ხოლო სამაგისტრო, სადოქტორო და სამეცნიერო კვლევითი სტიპენდიების მოსაპოვებლად გერმანული ან ინგლისური ენის ცოდნა C1 დონეზე.

ბსუ-ს სოფლის მეურნეობის ექსტენციის პროექტის ფარგლებში, აშშ-ის სოფლის მეურნეობის დეპარტამენტის (USDA) ვაშინგტონისა და თბილისის ოფისის წარმომადგენლები, აშშ-ის აიდაჰოსა და მისისიპის უნივერსიტეტების ექსპერტები და ორგანიზაცია „მომავლის ფერმერის” წარმომადგენლები ეწვივნენ. ბსუ-ს რექტორთან მერაბ ხალვაშთან და პროფსორ-მასწავლებლებთან გამართულ შეხვედრაზე დელეგაციის წევრებმა ამერიკის სოფლის მეურნეობის დეპარტამეტის წარმომადგენელმა ბენჯამინ კაირნმა, აიდაჰოს უნივერსიტეტის პროფესორმა ბრაინ სმოლმა, მისისიპის უნივერსიტეტის პროფესორმა სტივენ რაიკლმა, აშშ-ის სოფლის მეურნეობის დეპარტამენტის (USDA) თბილისის ოფისის წარმომადგენლებმა გოჩა შაინძემ და დემნა ძირკვაძემ ისაუბრეს პროექტში უნივერსიტეტის ჩართულობასა და სამომავლო გეგმებზე. დაიგეგმა გრძელვადიანი პროფესიული საგანმანათლებლო პროგრამის შემუშევება, თევზის კვებისა და ჯანმრთელობის კვლევებში ბსუ-ს ჩართვა და ტრენინგებში სტუდენტების მონაწილეობა.

ბათუმის რესპუბლიკური საავადმყოფოს 120 წლის იუბილეზე, საავადმყოფოს ეზოში ცნობილი ქირურგის, საზოგადო მოღვაწის, ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ემერიტუს პროფესორ აკაკი ბერიძის ვარსკვლავი გაიხსნა. პროფესორი აკაკი ბერიძეს დიდი წვლილი მიუძღვის ბსუ-ში მედიცინის მიმართულების შექმნასა და ჩამოყალიბებაში. ის არის უნივერსიტეტში მედიცინის საგანმანათლებლო პროგრამის შექმნის ერთ-ერთი ინიციატორი და განმახორციელებელი. პროფესორი აკაკი ბერიძე 25 წელზე მეტი ხნის განმავლობაში ეწეოდა საგანმანათლებლო და აკადემიურ საქმიანობას, ხელმძღვანელობდა ზოგადი და კერძო ქირურგიის სალექციო და პრაქტიკულ კურსებს.