ახალი ამბები

საქართველოს განათლებისა და მეცნიერების მინისტრი გიორგი ამილახვარი ბათუმის შოთა რუსთაველის სახელმწიფო უნივერსიტეტს ეწვია. მინისტრმა ბსუ-ს რექტორთან, მერაბ ხალვაშთან ერთად, უმაღლესი საგანმანათლებლო დაწესებულების ინფრასტრუქტურა დაათვალიერა, რომელიც მოიცავს ბიბლიოთეკებს, კაბინეტ-ლაბორატორიებს, აუდიტორიებს, სტუდენტთა თავისუფალ სივრცეებს. ვიზიტის ფარგლებში ასევე გაეცნო უნივერსიტეტში მიმდინარე და დაგეგმილ პროექტებს და კვლევითი ინსტიტუტებისა და ცენტრების საქმიანობას.

ბათუმის შოთა რუსთაველის სახელმწიფო უნივერსიტეტმა რექტორთა საბჭოს მორიგ სხდომას უმასპინძლა. რექტორთა საბჭოს სხდომა საქართველოს განათლებისა და მეცნიერების მინისტრის გიორგი ამილახვარის ხელმძღვანელობით გაიმართა, რომელშიც მონაწილეობა სახელმწიფო და კერძო უნივერსიტეტების რექტორებმა და წარმომადგენლებმა მიიღეს.

ბსუ-ს ისტორიის სპეციალობის II კურსის სტუდენტებმა სასწავლო კურსის „საველე არქეოლოგიური პრაქტიკის’’ ფარგლებში მონაწილეობა მიიღეს გონიო-აფსაროსის ციხის ტერიტორიაზე წარმოებულ არქეოლოგიური ექსპედიციის მუშაობაში. ასევე მოინახულეს პეტრა-ციხისძირისა და ქობულეთ-ფიჭვნარში მიმდინარე არქეოლოგიური სამუშაოები.

„ERASMUS+“-ის საგრანტო პროექტის „პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით უმაღლეს საგანმანათლებლო დაწესებულებებში (PROMENT)“ მენეჯერი, ზუსტ მეცნიერებათა და განათლების ფაკულტეტის დეკანი, პროფესორი ლელა თურმანიძე და მკვლევარი, მოწვეული მასწავლებელი, ტექნიკის მეცნიერებათა დოქტორი ელისო ძნელაძე, პროექტის ფარგლებში დაგეგმილი სასწავლო ვიზიტით 10-დან 14 ივლისის ჩათვლით ავსტრიაში, ვენის ტექნოლოგიურ უნივერსიტეტში იმყოფებოდნენ.

ERASMUS+ საგრანტო პროექტის "პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით უმაღლეს საგანმანათლებლო დაწესებულებებში" პერსონალი, მკვლევარი ნინო სამნიძე, ზუსტ მეცნიერებათა და განათლების ფაკულტეტის ასისტენტ პროფესორი და მკვლევარი სალომე ჯინჭარაძე, ზუსტ მეცნიერებათა და განათლების ფაკულტეტის ენებისა და საინფორმაციო ტექნოლოგიების ცენტრის მასწავლებელი, სტუდენტთა კარიერული განვითარების, კულტურისა და სპორტის დეპარტამენტის, კულტურისა და სპორტის განყოფილების განვითარების წამყვანი სპეციალისტი, იმყოფებოდნენ იტალიაში, ქალაქ პერუჯაში პროექტის ფარგლებში დაგეგმილი სასწავლო ვიზიტით 2023 წლის 30 ივნისიდან 8 ივლისის ჩათვლით.