კონფერენციები

ბათუმის შოთა რუსთაველის სახელმწიფო უნივერსიტეტის ჟან მონეს კათედრა ბაკალავრიატისა და მაგისტრატურის სტუდენტებს იწვევს საზაფხულო სკოლაში: „კონსტიტუციური დემოკრატია ევროკავშირში: თანამედროვე გამოწვევები და საქართველო“ მონაწილეობის მისაღებად. საზაფხულო სკოლა ორგანიზებულია ჟან მონეს კათედრის „ევროპის კავშირის ძირითადი ღირებულებები: დემოკრატია, კანონის უზენაესობა და ადამიანის უფლებების დაცვა" ფარგლებში, რომელიც დაფინანსებულია ევროკავშირის ერაზმუს + ჟან მონეს პროგრამის მიერ.

გაეროს ბავშვთა ფონდი 20-21 სექტემბერს სამცხე-ჯავახეთის სახელმწიფო უნივერსიტეტთან პარტნიორობითა და საქართველოს განათლებისა და მეცნიერების მინისტრის ეგიდით მართავს მესამე საერთაშორისო კონფერენციას საქართველოში, რომელიც ეძღვნება ბავშვთა უფლებების საკითხების ჩართვას საუნივერსიტეტო საგანმანათლებლო პროგრამებსა და კურიკულუმებში. კონფერენციაზე განხილული იქნება სახელმწიფო ენების სწავლების და ეთნიკური უმცირესობების განათლების აქტუალური საკითხები. ღონისძიების მიზანია შეიქმნას სივრცე ბავშვთა უფლებების პრინციპების სწავლა-სწავლებისთვის, გაძლიერდნენ შესაბამისი სპეციალისტები, რათა დაცულ იქნას ბავშვთა უფლებები ყოველდღიურად ოჯახებში, სკოლებსა და საზოგადოებაში.

11-12 ივნისს, ბათუმის შოთა რუსთაველის სახელმწიფო უნივერსიტეტში (სააქტო დარბაზი) გაიმართება პროექტის „ციფრული-სკოლა საქართველო” შემაჯამებელი კონფერენცია. პროექტი ესტონეთის საგარეო საქმეთა სამინისტროს დაფინანსებული პროექტია, რომელიც ესტონეთის წარმატებული გამოცდილების გაზიარებას ისახავს მიზნად განათლებაში ტექნოლოგიების ეფექტიანად დანერგვის უზრუნველსაყოფად. „ციფრული სკოლა - საქართველო” საქართველოს განათლებისა და მეცნიერების სამინისტროსთან თანამშრომლობით ხორციელდება ზოგადი განათლების მიმდინარე რეფორმასთან მჭიდრო კავშირში.

ბათუმის შოთა რუსთაველის სახელმწიფო უნივერსიტეტში, 55-ე აუდიტორიაში, 28 მაისს, 11:00 საათზე ზუსტ მეცნიერებათა და განათლების ფაკულტეტის ორგანიზებით, სკოლისა და უნივერსიტეტის თანამშრომლობის კლუბის „სკოლა-უნივერსიტეტი” ფარგლებში გაიმართება მეცხრე სამეცნიერო კონფერენცია. სესიაში სტუდენტებთან ერთად, აჭარის საჯარო და კერძო სკოლების მოსწავლეები მიიღებენ მონაწილეობას. კონფერენციის მიზანია უნივერსიტეტისა და სკოლის თანამშრომლობის ხელშეწყობა, მოსწავლეებსა და სტუდენტებში შემოქმედებითი, თანამშრომლობითი და კომუნიკაციური უნარ-ჩვევების განვითარება, კრიტიკული აზროვნების ჩამოყალიბება და ნიჭიერი ახალგაზრდების გამოვლენა.

2022 წლის 21-22 ოქტომბერს, ცენოვის ეკონომიკის აკადემიაში (ბულგარეთი) გაიმართება კონფერენცია თემაზე: „ცირკულარული ეკონომიკა ურთიერთობების ინდუსტრიის კონტექსტში 4.0 - საზოგადოება 5.0“ კონფერენციაში მონაწილეობისათვის რეგისტრაციის ბოლო ვადა: 10 ივნისი, 2022 წელი.