კონფერენციები

2021 წლის 23-27 აგვისტოს, ბათუმის შოთა რუსთაველის სახელმწიფო უნივერსიტეტის ჟან მონეს კათედრა ბაკალავრიატისა და მაგისტრატურის სტუდენტებს იწვევს საზაფხულო სკოლაში: „კონსტიტუციური დემოკრატია ევროპის კავშირში: თანამედროვე გამოწვევები და საქართველო“ მონაწილეობის მისაღებად. საზაფხულო სკოლა ორგანიზებულია ჟან მონეს კათედრის „ევროპის კავშირის ძირითადი ღირებულებები: დემოკრატია, კანონის უზენაესობა და ადამიანის უფლებების დაცვა" ფარგლებში, რომელიც დაფინანსებულია ევროკავშირის ერასმუს + ჟან მონეს პროგრამის მიერ.

ქუთაისის უნივერსიტეტი გიწვევთ საერთაშორისო სამეცნიერო-პრაქტიკულ კონფერენციაზე "კოვიდ-19-თან დაკავშირებული პრობლემები და მათი გადაწყვეტის გზები ეკონომიკაში, ბიზნესსა და მედიცინაში“.
ქუთაისის უნივერსიტეტთან ერთად, კონფერენციის თანაორგანიზატორები არიან ევროპის უნივერსიტეტი (თბილისი) და აკაკი წერეთლის სახელობის სახელმწიფო უნივერსიტეტი.

ლიტვაში, ქალაქ კაუნაში 2021 წლის 21-23 სექტემბერს ტარდება მე-10 საერთაშორისო სამეცნიერო კონფერენცია ”სოფლის განვითარება 2021: გამოწვევები მდგრადი ბიოეკონომიკისა და კლიმატის ცვლილებისთვის”.

კონფერენცია ჩატარდება Vytautas Magnus University Agriculture Academy (ლიტვა) .

დამატებითი ინფორმაციისთვის ეწვიეთ ვებ გვერდს: (https://zua.vdu.lt/en/)

„დიგიტალური ჰუმანიტარიის აკადემია“ (https://adh.ge/) ფრანკფურტის გოეთეს სახელობის უნივერისტეტთან და ქართულ უნივერსიტეტებთან - თბილისის ივანე ჯავახიშვილის სახელმწიფო უნივერსიტეტი და ბათუმის შოთა რუსთაველის სახელმწიფო უნივერსიტეტი - თანამშრომლობით 29 ივლისიდან 30 აგვისტომდე ატარებს საზაფხულო სკოლას დიგიტალურ ქართველოლოგიაში თემაზე "დიგიტალური რუსთველოლოგია".

23-24 სექტემბერს, ბსუ-ში გაეროს ბავშვთა ფონდი ბათუმის შოთა რუსთაველის სახელმწიფო უნივერსიტეტთან პარტნიორობითა და აჭარის ა.რ. განათლების, კულტურისა და სპორტის სამინისტროს ეგიდით გამართავს მეორე საერთაშორისო კონფერენციას „ბავშვთა უფლებების საკითხების ჩართვა საუნივერსიტეტო საგანმანათლებლო პროგრამებსა და კურიკულუმებში“. კონფერენცია ეძღვნება ბავშვთა უფლებების საკითხების ჩართვას საუნივერსიტეტო საგანმანათლებლო პროგრამებსა და კურიკულუმებში, რათა გაჩნდეს სივრცე ბავშვთა უფლებების პრინციპების სწავლა-სწავლებისთვის, გაძლიერდნენ შესაბამისი სპეციალისტები და დაცულ იქნას ბავშვთა უფლებები ყოველდღიურად ოჯახებში, სკოლებსა და საზოგადოებაში. კონფერენცია ბავშვთა უფლებების ხელშეწყობა საქართველოს უნივერსიტეტების საშუალებით“ ფარგლებში იმართება.