მიმდინარე წლის 11 თებერვალს განათლების სამინისტროში „მეცნიერ ქალთა და გოგონათა საერთაშორისო დღესთან დაკავშირებით შეხვედრა გაიმართა, ღონისძიების მიზანი იყო მეცნიერებით დაინტერესებულ ქალთა ხელშეწყობა და მეცნიერების, ინოვაციებისა და ტექნოლოგიების სისტემაში მათი მზარდი როლის მხარდაჭერა. აღნიშნულ ღონისძიებაზე საქართველოს განათლების, მეცნიერებისა და ახალგაზრდობის მინისტრმა ბატონმა ალექსანდრე წულაძემ 10 წარმატებული ქალი მეცნიერი და მოსწავლე-გამომგონებელი გოგონა დააჯილდოვა.