დაიწყო რეგისტრაცია სიცოცხლის მეცნიერებების მიმართულებით ყოველწლიურ სტუდენტურ კონფერენციაში მონაწილეობის მისაღებად. „The COINS 2018” გაიმართება ლიტვაში, ქალაქ ვილნიუსში, 2018 წლის 28 იანვრიდან 2 მარტის ჩათვლით.
დამატებითი ინფორმაცია იხილეთ ვებ-გვერდზე - http://thecoins.eu/ ან დაუკავშირდით ელ.ფოსტაზე - info@thecoins.eu

იაპონიის საერთაშორისო ფონდი „Matsumae International Foundation” აცხადებს სასტიპენდიო პროგრამას უცხო ქვეყნის მკვლევართათვის. პრიორიტეტული სფეროებია: საბუნებისმეტყველო მეცნიერებები, ინჟინერია და მედიცინა. სასტიპენდიო პერიოდი მოიცავს 3-6 თვეს. დამატებითი ინფორმაცია იხილეთ დანართში.

ბათუმის შოთა რუსთაველის სახელმწიფო უნივერისტეტის Erasmus + გაცვლითი პროგრამის ფარგლებში მონაწილე სტუდენტებმა, მადრიდში, ალკალას უნივერსიტეტში 23 ნოემბერს გამართულ კონკურსში “Going abroad Fair” გაიმარჯვეს. სტუდენტებმა წარმოადგინეს პრეზენტაცია საქართველოსა და ბათუმის შოთა რუსთაველის სახელმწიფო უნივერსიტეტის შესახებ. ასევე, მოაწყვეს სტენდი, სადაც წარმოდგენილი იყო ინფორმაცია ბსუ-ს საგანმანათლებლო პროგრამებზე, ქართულ კულტურასა და ტრადიციებზე. ღონისძიების დასასრულს ბსუ-ს სტუდენტებმა საუკეთესო სტენდის ნომინაციაში გაიმარჯვეს, გადაეცათ სპეციალური საჩუქრები და სერტიფიკატები. საღამოში ქართველებთან ერთად აშშ-ს, ჩინეთის, რუსეთის, შვედეთის, იტალიის, პოლონეთის, საფრანგეთისა და ირლანდიის წარმომადგენლები მონაწილეობდნენ.

ნიდერლანდების სამეფოში, ქალაქ გრონინგენში, 2018 წლის 4-8 ივნისს, ბიო-მედიცინის სტუდენტთა 25-ე საერთაშორისო კონგრესი - ISCOMS 2018 - ჩატარდება. აბსტრაქტების მიღება დაიწყო და 2018 წლის 8 თებერვლამდე გაგრძელდება. თითოეულ სტუდენტს შეუძლია წარადგინოს არაუმეტეს 2 აბსტრაქტისა.

ილიას სახელმწიფო უნივერსიტეტის პროფესორმა, გიორგი ლეონიძის სახელობის ქართული ლიტერატურის მუზეუმის დირექტორმა, ფილოსოფოსმა ლაშა ბაქრაძემ ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა თემაზე: „ტოტალიტარიზმი და ხელოვნება“. მომხსენებელი სტუდენტებსა და პროფესორ-მასწავლებლებს გასული საუკუნის ტოტალიტარული სისტემების, კომუნისტური საბჭოეთისა და ფაშისტური გერმანიის პირობებში ხელოვნების მდგომარეობის პოლიტიკურ და ესთეტიკურ საკითხებზე ესაუბრა. ღონისძიება აჭარის ა.რ. განათლების, კულტურისა და სპორტის სამინისტროს უმაღლესი განათლების ხელშეწყობის ქვეპროგრამის ფარგლებში ჩატარდება.

სილეზიის სამედიცინო უნივერსიტეტმა კატოვიცეში მოიპოვა დაფინანსება სადოქტორო გაცვლითი პროგრამის „დოქტორანტთა და აკადემიურ პერსონალთა საერთაშორისო სამეცნიერო გაცვლა“ განსახორიცლებლად. პროგრამის მიზანია დოქტორანტებისა და აკადემიური პერსონალის კომპეტენციის გაზრდა. პროექტის მონაწილეებს შესაძლებლობა ექნებათ, იმუშაონ სადისერტაციო თემაზე და მოამზადონ სამეცნიერო მასალები გამოსაქვეყნებლად. პროექტი განხორციელდება 2019 წლის 30 სექტემბრამდე. საბუთების შეტანის ბოლო ვადაა 2018 წლის 14 დეკემბერი.

პრაღის ეკონომიკის ინსტიტუტის კვლევისა და განათლების ცენტრი ეკონომიკაში (CERGE-EI) აცხადებს კონკურს ბაკალავრიატისა და მაგისტრატურის სტუდენტებისათვის.

ვიშეგრადის სასტიპენდიო პროგრამა 2018-2019 სასწავლო წელისთვის აცხადებს კონკურსს მაგისტრატურის (4 სემესტრი), დოქტორანტურის და პოსტ-დოქტორანტურის სტუდენტებისათვის (2 სემესტრი). რეგისტრაციის ბოლო ვადა 2018 წლის 15 მარტი.