2-3 დეკემბერს, სორეის უნივერსიტეტში (ლონდონი, დიდი ბრიტანეთი) ტემპუსის საგრანტო პროექტი ინოტლესის (სწავლებისა და სწავლის ინოვაცია ევროპისმცოდნეობის დარგში) საბჭოს შეხვედრა გაიმართა. სამუშაო შეხვედრა ინოვაციური მეთოდების უკვე არსებულ 5 სასწავლო მოდულში ევროპისმცოდნეობის მიმართულებით დანერგვას შეეხებოდა. ღონისძიებაში საგარეო ურთიერთობათა სამსახურის უფროსი, პროექტის მენეჯერი ნანა ყურშუბაძე და ამავე სამსახურის მთავარი სპეციალისტი, პროექტის ადმინისტრაციული თანამშრომელი ხათუნა ხაბაძე ესწრებოდნენ .

ლიტვის განათლებისა და მეცნიერების სამინისტრო აცხადებს სტიპენდიებს მაგისტრატურის სტუდენტებისთვის.
მოთხოვნები:
1. მონაწილე უნდა იყოს საქართველოს მოქალაქე;
2. უნდა იყოს ბაკალავრის კურსდამთავრებული;
3. უნდა ჰქონდეს ოფიციალური თანხმობის წერილი ლიტვის უმაღლესი საგანმანათლებლო დაწესებულებებიდან

ლიტვის სახელმწიფო აცხადებს სასტიპენდიო პროგრამას მაგისტრატურაზე მიკოლას რომერის უნივერსიტეტში შემდეგ მიმართულებებზე:
1. კომუნიკაცია და შემოქმედებითი ტექნოლოგიები;
2. საფინანსო ბაზარი;
3. საერთაშორისო სამართალი;
4. ევროპული და საერთაშორისო ბიზნეს სამართალი;
5. ევროკავშირის სამართალი და მმართველობა;
6. სოციალური ტექნოლოგიების მენეჯმენტი;
7. ელექტრონული ბიზნეს მენეჯმენტი;
8. სამუშაო და ორგანიზაციული ფსიქოლოგია;
9. სოციალური მუშაობა ახალგაზრდებსა და ბავშვებთან;
10. შედარებითი სოციალური პოლიტიკა და კეთილდღეობა;

2016 წლის გაზაფხულიდან ევროპული სამეზობლო პოლიტიკაში ჩართულ ქვეყნებისათვის ხელმისაწვდომია ელექტრონული სწავლების პლატფორმა (E-Platform for Neighborhood), რომელიც სამეზობლო პოლიტიკაში ჩართული ქვეყნების საჯარო მოხელეებს, ადგილობრივი ხელისუფლების, სამეცნიერო წრეებისა და სამოქალაქო საზოგადოების წარმომადგენლებს, ასევე, ჟურნალისტებსა და სტუდენტებს სთავაზობს მოკლე კურსებს ევროკავშირის პოლიტიკის, ევროპული სამეზობლო პოლიტიკის საკითხებისა და ევროკავშირის და სამეზობლო პოლიტიკაში ჩართული ქვეყნების ურთიერთობების თაობაზე.

საერთაშორისო საზაფხულო სკოლა მოიცავს შემდეგ კურსებს:
1. summer language school “Spanish for Professionals”
კურსის ხანგრძლივობა: 22.06.2016-29.06.2016

2. maintenance diagnostic equipment BOSCH
კურსის ხანგრძლივობა: 22.06.2016-29.06.2016

3. project management
კურსის ხანგრძლივობა: 31.07.2016-07.08.2016

საზაფხულო სკოლა ტარდება შემდეგი დაწესებულებების ურთიერთანამშრომლობის საფუძველზე:Yeditepe უნივერსიტეტის სამართლის ფაკულტეტი, ამსტერდამის სამართლის ფაკულტეტი, ეკონომიკის განვითარების ფონდი (iKV) და თურქეთის სამრეწველო პალატა და სასაქონლო ბირჟა (TOBB).

ბსუ-ში ამერიკის შეერთებული შტატების საელჩოს საგანმანათლებლო/პროფესიული პროგრამების კოორდინატორმა საქართველოში თეა კუჭუხიძემ აშშ-ს მთავრობის მიერ დაფინანსებული UGRAD-ის პროგრამის პრეზენტაცია გამართა.
პროგრამის წარდგინებაზე სტუდენტებმა დეტალური ინფორმაცია მიიღეს გაცვლით პროგრამაში მონაწილეობს პირობებზე, პროცედურებზე, დაფინანსებასა და კანდიდატთა შერჩევის კრიტერიუმებზე.

შოთა რუსთველის დარბაზში ევროკავშირის გაცვლითი პროგრამის Erasmus + Credit Mobility-ის წარდგინება გაიმართა. ბათუმის შოთა რუსთაველის სახელმწიფო უნივერსიტეტის საგარეო ურთიერთობათა სამსახურის უფროსმა, პროგრამა Erasmus + -ის კოორდინატორმა ნანა ყურშუბაძემ საინფორმაციო შეხვედრაზე სტუდენტებს გაცვლით პროგრამაში მონაწილეობის პირობები გააცნო. უცხოეთში სწავლის შესაძლებლობა ეძლევა ყველა საფეხურის სტუდენტს, პროფესორ-მასწავლებლებსა და ადმინისტრაციულ პერსონალს. დაწვრილებითი ინფორმაცია იხილეთ ბსუ-ს საგარეო ურთიერთობათა სამსახურის ვებგვერდზე.