ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის სტუდენტები 2017 წლის 1 მარტიდან 1 აპრილის ჩათვლით მონაწილეობას ღებულობდნენ ოჯახში ძალადობის თემაზე ჩატარებულ იმიტირებულ სასამართლო პროცესში. პროექტი საქართველოს შსს პოლიციის აკადემიასა და საქართველოს ახალგაზრდა იურისტთა ასოციაციასთან (GYLA) პარტნიორობით განხორციელდა და მასში საქართველოს სხვადასხვა უნივერსიტეტის გუნდები მონაწილეობდნენ.
ბსუ-ს იურიდიული ფაკულტეტის სტუდენტთა სამეცნიერო კლუბის წევრთა შეხვედრა გაიმართა. შეხვედრაზე კლუბის სტუდენტ-მენეჯერად არჩეული იქნა სამართალმცოდნეობის სპეციალობის მე-2 კურსის სტუდენტი ნინო ბასილაძე. შეხვედრის მონაწილეებს კლუბის მეცნიერ-ხელმძღვანელმა პროფესორმა მურმან გორგოშაძემ სტუდენტთა სამეცნიერო კონფერენციაზე იურიდიული ფაკულტეტიდან დარეგისტრირებული თემის სათაურები, შეფასების კრიტერიუმები, ბიბლიოთეკასა და ინტერნეტ სივრცეში არსებული პერიოდული სამეცნიერო გამოცემები და ახალი ლიტერატურა გააცნო.
ბათუმის შოთა რუსთაველის სახელმწიფო უნივერსიტეტის სტუდენტები 24- 26 მარტს ქ. თელავში გამართულ საპარლამენტო დებატების ჩემპიონატის გამარჯვებული გახდნენ. პროექტში „სტუდენტური ინიციატივების მხარდაჭერა საგანმანათლებლო დებატების გზით“ ბსუ-ს 11 გუნდი (22 სტუდენტი) მონაწილეობდა. მათგან, მოდებატეები-იურიდიული ფაკულტეტის პირველი კურსის სტუდენტი გვანცა ლომაძე და ეკონომიკისა და ბიზნესის ფაკულტეტის პირველი კურსის სტუდენტი ნესტან ვარშანიძე ჩემპიონატის გამარჯვებულებად დასახელდნენ, ხოლო იურიდიული ფაკულტეტის სტუდენტები: ქეთი ანანიძე, გვანცა ლომაძე, ილონა დიასამიძე და ეკონომიკისა და ბიზნესის ფაკულტეტის მაგისტრანტი დავით ფარტენაძე ტურნირის ათ საუკეთესო სპიკერში მოხვდნენ.
საქართველოს ეკლესიის ავტოკეფალიის გამოცხადების 100 წლის იუბილესთან დაკავშირებით რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე ბათუმის შოთა რუსთაველის სახელმწიფო უნივერსიტეტის სტუდენტებს შეხვდა და საჯარო ლექცია წაიკითხა ეკლესიის ავტოკეფალიასთან დაკავშირებით ისტორიულ-სამართლებრივ კონტექსტში.
ბათუმის შოთა რუსთაველის სახელმწიფო უნივერსიტეტში საქართველო-ევროკავშირის სავიზო რეჟიმის ლიბერალიზაციასთან დაკავშირებით სტუდენტებისა და პროფესორ-მასწავლებლებისთვის საინფორმაციო შეხვედრა გაიმართა . საინფორმაციო კამპანია ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ორგანიზებით და მიგრაციის პოლიტიკის განვითარების საერთაშორისო ცენტრის მხარდაჭერით ხორციელდება.
შეხვედრაზე, საქართველოს სახელმწიფო უწყებების შესაბამისმა დარგობრივმა ექსპერტებმა მონაწილეებს დეტალურად გააცნეს ევროკავშირთან უვიზო რეჟიმის პირობებში საქართველოს მოქალაქეების უფლებებისა და მოვალეობების შესახებ ინფორმაცია.
