საქართველოს მეცნიერთა ევროპული კვლევების საბჭოს (ERC) კონკურსებში წარმატებული მონაწილეობისა და საერთაშორისო სამეცნიერო სივრცეში ინტეგრირების ხელშეწყობის მიზნით შოთა რუსთაველის საქართველოს ეროვნული სამეცნიერო ფონდი აანონსებს ახალ საგრანტო სქემას. სიახლე შესაძლებლობას მისცემს საქართველოს ახალგაზრდა მეცნიერებს და გამორჩეულ მკვლევარებს გაიარონ სამეცნიერო - კვლევითი სტაჟირება ევროპული კვლევების საბჭოს (ERC) მიერ დაფინანსებული პროექტის სამეცნიერო ხელმძღვანელთან.

2018 წლის 13-15 სექტემბერს, ბაქოში (აზერბაიჯანი) დაგეგმილია მე-18 საერთაშორისო კონფერენცია კულტურისა და საერთაშორისო სტაბილურობის თემაზე. კონფერენციის მიზანია ტექნოლოგიების, კულტურისა და საერთაშორისო სტაბილურობის სფეროში ახალი გამოკვლევების წარმოდგენა, იდეებისა და გამოცდილების გაზიარება. კონფერენციის თემებია: ავტომატური მართვის ტექნიკა, ეკონომიკა, რობოტიკა, მედიცინა და სოციალური ცხოვრება.

ამერიკის საელჩო საქართველოში აცხადებს პროგრამას უნივერსიტეტების კვლევებისა და საწარმოო უნარ-ჩვევების მიმართულებით. პროექტი მიზანია ხელი შეუწყოს ქართველ პროფესორებს, მეცნიერებსა და სტუდენტებს სამეწარმეო და ინოვაციური კვლევების მიმართულებით. გრანტი მოიცავს სამასი ათას ამერიკულ დოლარს, აპლიკაციის შეტანის ბოლო ვადაა 2018 წლის 15 ივნისი.

2018 წლის 15 მაისს, თბილისში, სასტუმრო „რედისონ ბლუში“ გაიმართება „ბია“-ს საინვესტიციო ფორუმი. დაგეგმილი ფორუმის მიზანია ქვეყნის ფინანსურ ცენტრად პოზიციონირება რეგიონში და საქართველოს, როგორც საინვესტიციოდ მიმზიდველი ქვეყნის გაცნობა უცხოელი დელეგატებისთვის. მონაწილეები სახელმწიფოს და ბიზნესის პირველი პირებისგან გაეცნობიან მიმდინარე და პერსპექტიულ პროექტებს ინფრასტრუქტურასა და ენერგეტიკაში, ტურიზმსა და უძრავ ქონებაში, სოფლის მეურნეობასა და კვების ინდუსტრიაში.

შოთა რუსთაველის ეროვნული სამეცნიერო ფონდი აცხადებს მობილობისა და საერთაშორისო სამეცნიერო ღონისძიებების 2018 წლის საგრანტო კონკურსს. კონკურსის მიზანია ინფორმაციის გაცვლისა და გამოცდილების გაზიარების შედეგად, გაძლიერდეს ადგილობრივი სამეცნიერო პოტენციალი და ხელი შეეწყოს მეცნიერების საერთაშორისო სამეცნიერო სფეროში ინტეგრაციასა და თანამშრომლობას, მეცნიერების განვითარებასა და პოპულარიზაციას, ახალი კადრების მეცნიერებაში მოზიდვასა და ახალგაზრდა მეცნიერთა კვალიფიკაციის ამაღლებას.