შოთა რუსთაველის საქართველოს ეროვნული სამეცნიერო ფონდი აცხადებს საკონფერენციო გრანტების 2018 წლის კონკურსს. საკონფერენციო გრანტების კონკურსის მიზანია, ხელი შეუწყოს საქართველოში რეგიონული და საერთაშორისო სამეცნიერო კონფერენციების, კონგრესების, ფორუმების, სიმპოზიუმებისა და სემინარების ჩატარებას, ინფორმაციის გაცვლასა და გამოცდილების გაზიარებას, სამეცნიერო კვლევების განვითარებას, ქართველ მეცნიერთა შრომების პოპულარიზაციას საერთაშორისო ჟურნალებსა და სამეცნიერო კრებულებში, მსოფლიო პროცესებში მეცნიერთა ინტეგრირებას.

2018 წლის 14-17 ნოემბერს, თურქეთში, იკლეს უნივერსიტეტში გაიმართება სოციალურ და საგანმანათლებლო მეცნიერებათა საერთაშორისო კონფერენცია International Social Sciences and Education Conference 2018 (ISSEC 2018). კონფერენციაში მონაწილეობის მისაღებად დამატებითი ინფორმაციისათვის ეწვიეთ ვებგვერდს

ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტი გიწვევთ III საერთაშორისო სამეცნიერო კონფერენციაზე „გლობალიზაციის გამოწვევები ეკონომიკასა და ბიზნესში“. სამეცნიერო სესია გაიმართება 2018 წლის 26-27 ოქტომბერს. დამატებითი ინფორმაცია იხილეთ ბმულზე.

2018 წლის 8-11 ოქტომბერს, ბათუმის შოთა რუსთაველის სახელმწიფო უნივერსიტეტში გაიმართება III საერთაშორისო კონფერენცია „არაორგანული მასალათმცოდნეობის თანამედროვე ტექნოლოგიები და მეთოდები“. კონფერენციის ორგანიზატორები არიან: ბათუმის შოთა რუსთაველის სახელმწიფო უნივერსიტეტი, საქართველოს მეცნიერებათა აკადემია და ფერდინანდ თავაძის მეტალურგიის და მასალათმცოდნეობის ინსტიტუტი. დაწვრილებითი ინფორმაცია კონფერენციის შესახებ იხილეთ ვებგვერდზე.

არასამთავრობო ორგანიზაცია IEOM გიწვევთ ყოველწლიურ საერთაშორისო კონფერენციაში - „ინდუსტრიული ინჟინერია და ოპერაციის მენეჯმენტი“ მონაწილეობის მისაღებად, რომელიც გაიმართება 2018 წლის 29 ოქტომბრიდან - 1 ნოემბრამდე, სამხრეთ აფრიკაში. კონფერენცია მიზნად ისახავს აკადემიური პერსონალის, მკვლევარებისა და პრაქტიკოსების ფორუმს გააცნოს ბოლო დროს სამრეწველო ინჟინერიისა და ოპერაციების მართვის სფეროში არსებული სიახლეები.