10-15 ოქტომბერს გაიმართება ომანის სამეცნიერო ფესტივალი. ფესტივალში მონაწილეობა შეუძლიათ სამეცნიერო ინსტიტუტის მკვლევრებსა და მეცნიერებს. სამეცნიერო ფესტივალის თემებია: კლიმატის ცვლილება, კიბერუსაფრთხოება, სურსათის უვნებლობა, ასტრონომია. დეტალური ინფორმაცია იხილეთ შემდეგ ელმისამართზე: osf@moe.om

2022 წლის 5-10 სექტემბერს, შავი ზღვის ეკონომიკური თანამშრომლობის ორგანიზაციის (BSEC) სომხეთის რესპუბლიკის მუდმივი წარმომადგენლობისა და მუდმივმოქმედი საერთაშორისო სამდივნოს (PERMIS) ორგანიზებით ქ. ერევანში (სომხეთში) დაგეგმილია გლობალური სამეცნიერო ფესტივალი „6th edition of STARMUS Festival". სამეცნიერო ფესტივალში მონაწილეობენ ცნობილი მეცნიერები, მათ შორის ნობელის პრემიის ლაურეატები. დეტალურ ინფორმაცია იხილეთ დანართებსა და შემდეგ მისმარათზე: https://www.starmus.com

კორეის განვითარების ინსტიტუტი (Korea Development Institute, KDI) აცხადებს სამაგისტრო და სადოქტორო სტიპენდიებს 2023 წლის საგაზაფხულო სემესტრისათვის. განცხადების მიღება წარმოებს მიმდინარე წლის 1 სექტემბრიდან 23 სექტემბრამდე. ონლაინ აპლიკაცია ხელმისაწვდომია ბმულზე: https://gradnet.kr/kdis/main

შვეიცარიის მთავრობა 2023-2024 წლისათვის სადოქტორო და პოსტ-სადოქტორო მიმართულებით კვლევით სტიპენდიებს აცხადებს. მიიღებიან მაღალკვალიფიციური დოქტორანტები ყველა აკადემიური სფეროდან, ასევე ახალგაზრდა მედიკოსები, რომლებიც 1987 წლის 31 დეკემბრის შემდეგ არიან დაბადებულები. ყოველთვიური სტიპენდია შეადგენს CHF 1920 შვეიცარულ ფრანკს. პროგრამა იწყება 2023 წლის 1 სექტემბერს და მაქსიმუმ 12 თვე გაგრძელდება. საელჩოში საბუთების ჩაბარების ბოლო ვადაა 2022 წლის 25 ნოემბერი,14:00 საათი.

ტარას შევჩენკოს კრემენეცის რეგიონალური ჰუმანიტარული პედაგოგიური აკადემია და არასამთავრობო ორგანიზაცია „ვოლინ კულტურული ინიციატივები“ (უკრაინა) გიწვევთ წარადგინოთ ნაშრომი მე-12 ყოველწლიურ სამეცნიერო ჟურნალში „Kremenets Comparative Studies“ (ISSN 2311-262X). სამეცნიერო ჟურნალის მიზანია, ფილოლოგების გაერთიანება ლიტერატურული და ლინგვისტური ფენომენების თანამედროვე კვლევებზე მოსაზრებების გაცვლის მიზნით.