2022 წლის 24 ივნისს, ბათუმის ნავიგაციის სასწავლო უნივერსიტეტში, ონლაინ რეჟიმში, ბათუმის შოთა რუსთაველის სახელმწიფო უნივერსიტეტის მხარდაჭერით ტარდება მეზღვაურთა საერთაშორისო დღისადმი მიძღვნილი VI საერთაშორისო სამეცნიერო კონფერენცია: „მდგრადი სატრანსპორტო სისტემა და საზღვაო ლოგისტიკა“. კონფერენციის მასალები სტატიების სახით გამოქვეყნდება შემდეგ ჟურნალებში: „ინოვაციური ეკონომიკა და მართვა“, „ეკონომიკა, ეკოლოგია, სოციუმი“.

20 ივლისს., გორში, ეროვნული თავდაცვის აკადემიაში იმართება ეროვნული უსაფრთხოების აქტუალური საკითხებისადმი მიძღვნილი სამეცნიერო - პრაქტიკული კონფერენცია. მუშაობა გაიმართება სექციების მიხედვით: პირველი სექცია - გლობალიზაცია თუ სუვერენიტეტი; მეორე სექცია - ეროვნული უსაფრთხოება ადამიანის უფლებების საპირისპიროდ; მესამე სექცია - ეროვნული უსაფრთხოება და საგარეო პოლიტიკა; მეოთხე სექცია - სამხედრო საფრთხეები და მათი გადაჭრის გზები. მონაწილეობის მიღება შეუძლიათ საქართველოში აკრედიტებული უმაღლესი სასწავლებლების დოქტორანტებს და დოქტორის ხარისხის მქონე პირებს.

საერთაშორისო ურთიერთობების ფაკულტეტის დიპლომატიური სამსახურისა და კომუნიკაციის დეპარტამენტის ორგანიზებით გაიმართება საერთაშორისო კონფერენცია თემაზე: „ენა და განათლება საერთაშორისო ურთიერთობებში“ სომხეთში, ერევნის სახელმწიფო უნივერსიტეტში, 2022 წლის 14-16 ოქტომბერს. კონფერენციის მიზანია გააერთიანოს აკადემიკოსები, მკვლევრები და სპეციალისტები საერთაშორისო ურთიერთობების, ენის სწავლებისა და განათლების ყველა სფეროდან, რათა გაცვალონ იდეები მათი კვლევის შესახებ.

შოთა რუსთაველის საქართველოს ეროვნული სამეცნიერო ფონდი აცხადებს 2022 წლის ახალგაზრდა მეცნიერთა კვლევების საგრანტო კონკურსს. კონკურსის მიზანია, ახალგაზრდა მეცნიერთა სამეცნიერო-კვლევითი პროექტების მხარდაჭერის გზით ხელი შეუწყოს მათი სამეცნიერო კვლევების ხარისხის გაუმჯობესებას, თემატური ან ინტერდისციპლინური მიმართულებით სამეცნიერო თანამშრომლობის გაღრმავებასა და აკადემიურ საქმიანობაში ჩართულობას, აგრეთვე, საქართველოს უმაღლესი საგანმანათლებლო დაწესებულებების სამეცნიერო-კვლევითი საქმიანობის გაძლიერებასა და გაუმჯობესებას.

Euraxess საქართველოს ატარებს საინფორმაციო შეხვედრას ონლაინ რეჟიმში Researchers2Businesses(R2B) შესახებ, რომელიც ერთმანეთთან აკავშირებს სხვადასხვა სფეროში მოღვაწე მკვლევრებსა და კომპანიებს. ღონისძიების მიზანია, ერთი მხრივ, დაეხმაროს მკვლევრებს, აღმოაჩინონ აკადემიის მიღმა არსებული კარიერული განვითარების შესაძლებლობები, ხოლო მეორე მხრივ, დაეხმაროს კომპანიებს დაამყარონ კავშირი სხვადასხვა სფეროში მოღვაწე მკვლევრებთან.