2022 წლის 19-20 აგვისტოს, შვედეთში, ქალაქ უმეაში, იმართება IV საერთაშორისო სამეცნიერო პრაქტიკული ონლაინ კონფერენცია თემაზე: „სამეცნიერო ტენდენციები გლობალიზაციის კონტექსტში“ (SCIENTIFIC TRENDS AND TRENDS IN THE CONTEXT OF GLOBALIZATION). კონფერენციის მონაწილეთა ნაშრომები გამოქვეყნდება კონფერენციის მასალების კრებულში (ISSN 2709-4685). კონფერენციის მასალების ელექტრონული კრებული განთავსდება ვებგვერდზე 2022 წლის 20 აგვისტოს. კონფერენციის ყველა მონაწილეს სერტიფიკატი გადაეცემა.

2022 წლის 16-18 აგვისტოს, ლიეტუვაში, ქალაქ ვილნიუსში იმართება I საერთაშორისო სამეცნიერო პრაქტიკული ონლაინ კონფერენცია „უახლესი მიღწევები გლობალურ მეცნიერებაში“ (RECENT ADVANCES IN GLOBAL SCIENCE). კონფერენციის მონაწილეთა ნაშრომები გამოქვეყნდება კონფერენციის მასალების კრებულში (UDC და ISBN 978-609-440-532-7 გამომცემელი „ვაიგას“ მიერ (ვილნიუსი, ლიტვა)) და კონფერენციის მასალების ელექტრონული კრებული განთავსდება ვებგვერდზე 2022 წლის 18 აგვისტოს. ყველა მონაწილე მიიღებს სერტიფიკატს.

იუნესკო აცხადებს კონკურსს მე-4 გამოცემა Youth Eyes on the Silk Roads - ისთვის. კონკურსში მონაწილეობა შეუძლიათ 14-დან 25 წლამდე ახალგაზრდებს მთელ მსოფლიოში. კონკურსი ხელს უწყობს ფოტოგრაფიას, როგორც კულტურული ურთიერთქმედების წახალისების ინსტრუმენტს, ეხმარება ურთიერთგაგების ჩამოყალიბებასა და მშვიდობის ხელშეწყობას აბრეშუმის გზებით დაკავშირებულ რეგიონებში მცხოვრებ ადამიანებს შორის. კონკურსის თემებია „რწმენა და სულიერება“ და „თანაცხოვრება“.

„ჰორიზონტი ევროპა“ საქართველოს ეროვნული ოფისისა და მეცნიერების მენეჯმენტის სკოლა მსურველებს იწვევს სემინარზე: „ახალგაზრდა მკვლევრების მომზადება ახალი აკადემიური წლისთვის მარი სკლადოვსკა-კიურის აქტივობების ფარგლებში“/ “Preparation of Young Researchers for the Upcoming Academic Year under Marie Sklodowska Curie Actions“. სემინარში მონაწილეობა სადოქტორო პროგრამის სტუდენტებსა და პროგრამის ხელმძღვანელებს, რომლებმაც დიდი როლი უნდა ითამაშონ ამ პროცესში მათი დოქტორანტების ჩართვაში. სემინარის პრაქტიკული ნაწილი მოიცავს განაცხადის წერის სამუშაო აქტივობას, რომელიც მსმენელს წარმატებული განაცხადის ფორმულირებისათვის საჭირო პრაქტიკულ უნარ-ჩვევებს გამოუმუშავებს.

ევროკავშირის ჩეხეთის თავმჯდომარეობისა და ევროკომისიის შიდა ბაზრის, მრეწველობის, მეწარმეობისა და მცირე და საშუალო ბიზნესის გენერალური დირექტორატის ორგანიზებით იმართება ერთიანი ბაზრის დაარსებიდან 30 წლისადმი მიძღვნილი კონფერენცია. სესიაში ჩართული იქნებიან მკვლევრები აკადემიური წრეებიდან და პოლიტიკის შემქმნელები ევროკავშირისა და ეროვნული ინსტიტუტებიდან, რომლებიც წარმოადგენენ საკუთარი კვლევის შედეგებსა და პოლიტიკის შეხედულებებს ერთიან ბაზართან დაკავშირებით.