ბათუმის შოთა რუსთაველის სახელმწიფო უნივერსიტეტში გაიმართა საინფორმაციო შეხვედრა „საქართველოს მკვლევართა მობილობის პროგრამის“ შესახებ. ევროკავშირის პროგრამის ჯგუფის ხელმძღვანელმა პიტერ დებრეცენმა და ჯგუფის ხელმძღვანელის მოადგილემ ნინო გაჩეჩილაძემ ბსუ-ს პროფესორ-მასწავლებლებს და მკვლევრებს საგრანტო კონკურსში მონაწილეობის პირობები გააცნო. „საქართველოს მკვლევართა მხარდაჭერის პროგრამას“ ევროკავშირის ფინანსური მხარდაჭერით ახორციელებს გერმანიის აკადემიური გაცვლის სამსახური (DAAD). პროექტი მიზნად ისახავს საქართველოს მეცნიერების, ტექნოლოგიებისა და ინოვაციების სექტორის ინტერნაციონალიზაციის ხელშეწყობას საერთაშორისო კავშირების დამყარების პროცესში საქართველოს მკვლევართა მხარდაჭერის გზით. პროექტი ითვალისწინებს მკვლევართა და ინოვატორთა კვლევითი ვიზიტის დაფინანსებას ევროკავშირის წევრ ქვეყნებში.

ბათუმის შოთა რუსთაველის სახელმწიფო უნივერსიტეტში აკადემიური და სამეცნიერო პერსონალისათვის გაიმართა საინფორმაციო შეხვედრა „საინფორმაციო ტექნოლოგიები მეცნიერებაში“. ასოციაციის „მეცნიერებისათვის" პრეზიდენტმა თამარ ხახუტაშვილმა ღონისძიების მონაწილეებს გააცნო ციტირების ინდექსისა და საერთაშორისო სამეცნიერო სივრცეში მკვლევრის ცნობადობის გაუმჯობესების მეთოდები და საშუალებები. მან ასევე ისაუბრა მკვლევრის სამეცნიერო პროფილის (ავტორის იდენტიფიკატორი) სახეებსა და შექმნაზე, სამეცნიერო ნაშრომის საქართველოს ან საზღვარგარეთის მაღალ იმფაქტ ფაქტორის მქონე ჟურნალებში უფასოდ ან დაბალ ფასად გამოქვეყნების ხერხებზე.

იაპონიის განათლების, კულტურის, სპორტის, მეცნიერების და ტექნოლოგიის სამინისტრო იაპონიის უნივერსიტეტებში სწავლის მსურველი სტუდენტებისთვის და მკვლევრებისთვის აცხადებს სტიპენდიას 2023 წლის იაპონიის მთავრობის (MEXT) სტიპენდიის პროგრამის ფარგლებში. მონაწილეობის მსურველებმა სააპლიკაციო დოკუმენტები წარმოადგინეთ საქართველოში იაპონიის საელჩოში 24 ივნისამდე.

2022 წლის 22-23 ოქტომბერს, ათენში, საბერძნეთის ღია უნივერსიტეტში ტარდება მესამე სამეცნიერო კონფერენცია გარემოსდაცვითი პროექტის შესახებ (მდგრადი განვითარება, დაბინძურება, ენერგია, ქალაქ-შენობები, სატრანსპორტო საშუალებები, ეროზია, კლიმატის ცვლილებები, პოლიტიკა). კონფერენციის მასალები დაიბეჭდება IOP Conference Series: Earth and Environmental Science-ში, რომელიც არის ინდექსირებული Scopus-ის ბაზაზე. აბსტრაქტების გაგზავნის ბოლო ვადაა 27 მაისი.

2022 წლის 22-23 ოქტომბერს, ათენში, საბერძნეთის ღია უნივერსიტეტში ტარდება მესამე სამეცნიერო კონფერენცია გარემოსდაცვითი პროექტის შესახებ (მდგრადი განვითარება, დაბინძურება, ენერგია, ქალაქ-შენობები, სატრანსპორტო საშუალებები, ეროზია, კლიმატის ცვლილებები, პოლიტიკა). კონფერენციის მასალები დაიბეჭდება IOP Conference Series: Earth and Environmental Science-ში, რომელიც არის ინდექსირებული Scopus-ის ბაზაზე. აბსტრაქტების გაგზავნის ბოლო ვადაა 27 მაისი.